જાણો એન્ટાર્કટિકાના દરિયામાં તોફન વચ્ચે ફસાયેલા અમેરિકાના સૈન્ય જહાજના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર દરિયામાં તોફાનમાં ફસાયેલા જહાજનો એક ભયાનક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, એન્ટાર્કટિકાના તોફાની દરિયામાં અમેરિકાનું સૈન્ય જહાજ ફસાયું તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં દરિયામાં તોફાનમાં ફસાયેલા જહાજનો જે ભયાનક વીડિયો મૂકવામાં આવ્યો છે એ વર્ષ 2012થી સોશિયલ મીડિયા પર ઉપલબ્ધ છે. આ વીડિયો અમેરિકા નહીં પરંતુ ન્યૂઝીલેન્ડના સૈન્ય જહાજનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 6 ઓગસ્ટ, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં  લખવામાં આવ્યું છે કે, કુદરત સામે બધાને નમવું પડે !એન્ટાર્ટિકના તોફાની દરિયામાં ફસાયેલા US નેવીના વોરશિપનો ભયંકર વીડિયો સામે આવ્યો. આ વીડિયો સાથેના લખાણમાં એવો દાવો કરવામાં આવી રહ્યો છે કે, એન્ટાર્કટિકાના તોફાની દરિયામાં અમેરિકાનું સૈન્ય જહાજ ફસાયું તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલો આજ વીડિયો NZ Defence Force નામના એક યુટ્યુબ યુઝર દ્વારા 15 ફેબ્રુઆરી, 2012ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, દક્ષિણ મહાસાગરમાં દરિયાઈ પરીક્ષણો દરમિયાન ન્યૂઝીલેન્ડનું સૈન્ય જહાજ HMNZS વેલિંગ્ટન તોફાનનો સામનો કરી રહ્યું છે. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વીડિયો તાજેતરનો નહીં પરંતુ જૂનો છે અને તે અમેરિકાના નહીં પરંતુ ન્યૂઝીલેન્ડના સૈન્ય જહાજનો છે.

અમારી વધુ તપાસમાં અમને ઉપરોક્ત પોસ્ટમાં મૂકવામાં આવેલા આ જ વીડિયો અને માહિતી સાથેના સમાચાર popularmechanics.com દ્વારા પણ 9 જૂન, 2016ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જે તમે નીચે જોઈ શકો છો. 

આ ઉપરાંત અમને અન્ય સમાચાર અહેવાલો પણ પ્રાપ્ત થયા હતા. જેમાં પણ આ વીડિયો ન્યૂઝીલેન્ડના સૈન્ય જહાજનો હોવાની માહિતી આપવામાં આવી છે. જે તમે અહીં જોઈ શકો છો. video.corriere.it | novi.ba

આ જ વીડિયો અને માહિતી એક સત્તાવાર ફેસબુક યુઝર દ્વારા પણ 30 મે, 2016ના રોજ મૂકવામાં આવી હતી. 

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં દરિયામાં તોફાનમાં ફસાયેલા જહાજનો જે ભયાનક વીડિયો મૂકવામાં આવ્યો છે એ વર્ષ 2012થી સોશિયલ મીડિયા પર ઉપલબ્ધ છે. આ વીડિયો અમેરિકા નહીં પરંતુ ન્યૂઝીલેન્ડના સૈન્ય જહાજનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)