તાજેતરમાં સોશિયલ મીડિયા પર હેલિકોપ્ટરોનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, કોલંબિયાની ટેન્ક અને સૈનિકો વેનેઝુએલા તરફ આગળ વધી રહ્યા હોવાનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં હેલિકોપ્ટરોનો જે વીડિયો મૂકવામાં આવ્યો છે એ કોલંબિયાની ટેન્ક અને સૈનિકો વેનેઝુએલા તરફ આગળ વધી રહ્યા હોવાનો નહીં પરંતુ વર્ષ 2022થી સોશિયલ મીડિયા પર ઉપલબ્ધ છે. આ વીડિયો અમેરિકન એરોસ્પેસ કંપની બેલ દ્વારા ડિઝાઇન અને ઉત્પાદિત લશ્કરી હેલિકોપ્ટરનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
એક સોશિયલ મીડિયા યુઝર દ્વારા 05 જાન્યુઆરી, 2026ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના લખાણમાં એવો દાવો કરવામાં આવી રહ્યો છે કે કોલંબિયાની ટેન્ક અને સૈનિકો વેનેઝુએલા તરફ આગળ વધી રહ્યા હોવાનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ વીડિયોનો એક સ્ક્રીનશોટ લઈ ગૂગલ રિવર્સ ઈમેજ દ્વારા સર્ચ કરતાં પોસ્ટમાં મૂકવામાં આવેલા આ જ વીડિયો thehistorychick1941 નામના એક ઈન્સ્ટાગ્રામ યુઝર દ્વારા 29 મે, 20225ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. આ વીડિયો સાથે એવી માહિતી આપવામાં આવી હતી કે, બેલ UH-1 ઇરોક્વોઇસ (“હ્યુએ” ઉપનામ) એ અમેરિકન એરોસ્પેસ કંપની બેલ દ્વારા ડિઝાઇન અને ઉત્પાદિત એક ઉપયોગી લશ્કરી હેલિકોપ્ટર છે. તે પ્રચંડ હ્યુએ પરિવારનો પ્રથમ સભ્ય છે, તેમજ યુનાઇટેડ સ્ટેટ્સ લશ્કર સાથે સેવામાં આવેલું પ્રથમ ટર્બાઇન સંચાલિત હેલિકોપ્ટર છે. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વીડિયો તાજેતરનો નહીં પરંતુ જૂનો છે.
ઉપરોક્ત આ જ પોસ્ટમાં કેપ્શનમાં અન્ય બે ઈન્સ્ટાગ્રામ એકાઉન્ટને ટેગ કરવામાં આવ્યા હતા. જેના પરથી અમને આ જ વીડિયો સાથેની અન્ય બે ઈન્ટાગ્રામ પોસ્ટ વર્ષ 2024માં કરવામાં આવી હોવાનું જાણવા મળ્યું હતું.
અમારી આઘળની વધુ તપાસમાં અમને પોસ્ટમાં મૂકવામાં આવેલો આ જ વીડિયો timiacofano નામના ઈન્સ્ટાગ્રામ યુઝર દ્વારા 23 નવેમ્બર, 2022ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેના પરથી એ સ્પષ્ટ સાબિત થાય છે કે, વાયરલ વીડિયો તાજેતરનો નહીં પરંતુ વર્ષ 2022નો છે.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો હોવાનું સાબિત થાય છે કારણ કે, પોસ્ટમાં હેલિકોપ્ટરોનો જે વીડિયો મૂકવામાં આવ્યો છે એ કોલંબિયાની ટેન્ક અને સૈનિકો વેનેઝુએલા તરફ આગળ વધી રહ્યા હોવાનો નહીં પરંતુ વર્ષ 2022થી સોશિયલ મીડિયા પર ઉપલબ્ધ છે. આ વીડિયો અમેરિકન એરોસ્પેસ કંપની બેલ દ્વારા ડિઝાઇન અને ઉત્પાદિત લશ્કરી હેલિકોપ્ટરનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)
Title:જાણો તાજેતરમાં કોલંબિયાની ટેન્ક અને સૈનિકો વેનેઝુએલા તરફ આગળ વધી રહ્યા હોવાના નામે વાયરલ થઈ રહેલા વીડિયોનું શું છે સત્ય…
Fact Check By: Vikas VyasResult:Missing Context
