આ વીડિયો હાલમાં વર્લ્ડ કપમાં અફઘાનિસ્તાનની જીત બાદનો નથી. આ વીડિયો 4 વર્ષ જુનો પાકિસ્તાનના ખૈબર પખ્તુનખ્વામાં લગ્નમાં ડાન્સ કરતા લોકોનો વીડિયો છે.

T-20 વર્લ્ડ કપમાં અફઘાનિસ્તાનની ટીમે બાંગ્લાદેશને હરાવીને ઈતિહાસ રચ્યો છે. ઈતિહાસમાં પ્રથમ વખત અફઘાનિસ્તાને સેમિફાઈનલમાં જગ્યા બનાવી છે. આ જીત બાદ એક વીડિયો શેર કરવામાં આવી રહ્યો છે, જેમાં તાલિબાન લડવૈયાઓ હાથમાં બંદૂક લઈને નાચતા જોવા મળે છે. આ વિડિયોને શેર કરીને દાવો કરવામાં આવી રહ્યો છે કે, “આ વીડિયો બાંગ્લાદેશને હરાવ્યા બાદનો છે. અફઘાનિસ્તાનના લોકોએ આ રીતે જીતની ઉજવણી કરી.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 25 જૂન 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો બાંગ્લાદેશને હરાવ્યા બાદનો છે. અફઘાનિસ્તાનના લોકોએ આ રીતે જીતની ઉજવણી કરી.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને આ વીડિયો અબ્દુર રહેમાન મારવત નામની યુટ્યુબ ચેનલ પર પ્રાપ્ત થયો હતો. જે વીડિયો 26 માર્ચ 2021ના અપલોડ કરવામાં આવ્યો હતો. આ વીડિયો સાથે માહિતી આપવામાં આવી હતી કે, “આ વીડિયો પાકિસ્તાનના ખૈબર પખ્તુનખ્વા પ્રાંતના લક્કી મારવત જિલ્લાનો હોવાનું કહેવાય છે. જ્યાં કેટલાક લોકો લગ્નમાં હથિયારો સાથે ડાન્સ કરતા જોવા મળ્યા હતા.” 

તેમજ વધુ તપાસ કરતા અમને આ વીડિયો પાકિસ્તાની પત્રકાર ઈફ્તિખાર ફિરદૌસના ટ્વિટર એકાઉન્ટ પર પ્રાપ્ત થયો હતો. આ વીડિયો અગાઉ પણ ખોટા દાવા સાથે શેર કરવામાં આવ્યો હતો. આ વાતનું ખંડન કરતાં ઈફ્તિખારે વીડિયોની સત્યતા જણાવી હતી. ભારતીય ચેનલો પાકિસ્તાનના ખૈબર પખ્તુનખ્વામાં લગ્નમાં ડાન્સ કરતા લોકોનો વીડિયો બતાવી રહી છે અને કહે છે કે અફઘાનિસ્તાનમાં તાલિબાનોનો કબજો છે.

Unbelievable an Indian Channel is showing a viral video of a marriage in Khyber Paktunkhwa, Pakistan. Dancers in the marriage are masquerading. The anchor is showing them as Taliban celebrating the take over of Maidan in Afghanistan . This is next level bullshit lol. pic.twitter.com/TC18FRLXGd

— Iftikhar Firdous (@IftikharFirdous) August 15, 2021

Archive

ત્યારબાદ અમે આ ક્લુના આધારે વાયરલ વિડિયોમાં જોવા મળતા વ્યક્તિને ફેસબુક પર શોધી કાઢ્યો હતો. જેનું નામ Wahab Pukhtoon છે. જે બાદ અમે તેમનો સંપર્ક સાધ્યો હતો. 

વહાબ દ્વારા અમને જણાવવામાં આવ્યુ હતુ કે, “આ વિડિયોમાં તે તથા તેમના મિત્રો છે. આ વિડિયો 19 માર્ચ 2021ની છે. પાકિસ્તાનના સરવાર કિટકી ગામમાં તેમના મિત્ર રફિદ ઉલ્લાહ ખાનના લગ્ન દરમિયાન તેમના તથા તેમના મિત્ર દ્વારા આ ડાન્સ કરવામાં આવ્યો હતો.” 

વહાબ દ્વારા આ લગ્ન દરમિયાનનો જ તેમના મિત્રના ગ્રુપનો એક ફોટો પણ અમને મોકલાવ્યો હતો. જેમાં સ્પષ્ટ જોઈ શકાય છે. કે, “વાયરલ વિડિયો માંના યુવકો જ આ વિડિયોમાં છે.”

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વીડિયો હાલમાં વર્લ્ડ કપમાં અફઘાનિસ્તાનની જીત બાદનો નથી. આ વીડિયો 4 વર્ષ જુનો પાકિસ્તાનના ખૈબર પખ્તુનખ્વામાં લગ્નમાં ડાન્સ કરતા લોકોનો વીડિયો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)