જાણો તાજેતરમાં અવસાન પામેલા એક્ટર ધર્મેન્દ્રની અંતિમયાત્રાના નામે વાયરલ વીડિયોનું શું છે સત્ય….

તાજેતરમાં સોશિયલ મીડિયા પર અંતિમયાત્રામાં ઉમટેલી લોકોની ભીડનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં અવસાન પામેલા બોલીવુડના સુપ્રસિદ્ધ એક્ટર ધર્મેન્દ્રની અંતિમયાત્રામાં ઉમટેલી લોકોની ભીડનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં અંતિમયાત્રામાં ઉમટેલી લોકોની ભીડનો જે વીડિયો મૂકવામાં આવ્યો છે એ તાજેતરનો નહીં પરંતુ સપ્ટેમ્બર 2025માં અવસાન પામેલા પ્રખ્યાત સિંગર ઝુબિન ગર્ગની અંતિમયાત્રામાં ઉમટેલી લોકોની ભીડનો જૂનો વીડિયો છે જેને હાલની પરિસ્થિતિ કે ધર્મેન્દ્રની અંતિમયાત્રા સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે…?

એક સોશિયલ મીડિયા યુઝર દ્વારા 25 નવેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, ધર્મેન્દ્ર પાજીની અંતિમ યાત્રામાં અનેક લોકો જોડાયા! પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં અવસાન પામેલા બોલીવુડના સુપ્રસિદ્ધ એક્ટર ધર્મેન્દ્રની અંતિમયાત્રામાં ઉમટેલી લોકોની ભીડનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈ ગૂગલ રિવર્સ ઈમેજ દ્વારા સર્ચ કરતાં પોસ્ટમાં મૂકવામાં આવેલા આ જ વીડિયો સાથેના સમાચાર રિપબ્લિક વર્લ્ડ દ્વારા 21 સપ્ટેમ્બર, 2025ના રોજ અપલોડ કરવામાં આવ્યો હતો. જેમની સાથે એવી માહિતી આપવામાં આવી હતી કે, ગુવાહાટી ખાતે ઝુબિન ગર્ગની અંતિમયાત્રામાં ઉમટી હજારોની ભીડ. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વીડિયો ધર્મેન્દ્રની અંતિમયાત્રાનો નહીં પરંતુ ઝુબિન ગર્ગની અંતિમયાત્રાનો છે.

અન્ય કેટલાક મીડિયા માધ્યમો દ્વારા પણ આ જ વીડિયો અપલોડ કરવામાં આવ્યો હતો. જે તમે અહીં જોઈ શકો છો. India Times | CNN News 18

વધુ એક ફેસબુક અને ઈન્સ્ટાગ્રામ યુઝર દ્વારા પણ આ જ વીડિયો અને માહિતી સાથેની પોસ્ટ કરવામાં આવી હતી. 

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં અંતિમયાત્રામાં ઉમટેલી લોકોની ભીડનો જે વીડિયો મૂકવામાં આવ્યો છે એ તાજેતરનો નહીં પરંતુ સપ્ટેમ્બર 2025માં અવસાન પામેલા પ્રખ્યાત સિંગર ઝુબિન ગર્ગની અંતિમયાત્રામાં ઉમટેલી લોકોની ભીડનો જૂનો વીડિયો છે જેને હાલની પરિસ્થિતિ કે ધર્મેન્દ્રની અંતિમયાત્રા સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)