હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. વીડિયોમાં જોવામળે છે કે, એક આરોપીને પોલીસ સ્ટેશનમાંથી બહાર લાવવામાં આવે છે ત્યારે તે એકદમ વ્યવસ્થિત ચાલી રહ્યો છે પરંતુ જ્યારે પીએસઆઈ તેને કશુ કહે છે ત્યારે તે લંગડાતો ચાલવા લાગે છે આ વીડિયોને શેર કરીને દાવો કરવામાં આવી રહ્યો છે કે, “આ વીડિયોમાં જોવા મળતી પોલીસ યુપીની પોલીસ છે જે અપરાધીને લગડાઈને ચાલવાનુ કહી રહી છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 09 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયોમાં જોવા મળતી પોલીસ યુપીની પોલીસ છે જે અપરાધીને લગડાઈને ચાલવાનુ કહી રહી છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર કીવર્ડ સાથે સર્ચ કરતા અમને ગુજરાત તક ચેનલ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “પોસ્ટ સાથે શેર કરવામાં આવેલો વીડિયો ગુજરાતના આંણદ જીલ્લાના આંક્લાવનો છે. જ્યાની પોલીસ ભરાઈ ગઈ છે.”
તેમજ વધુ સર્ચ કરતા અમને વીટીવી ન્યુઝની યુટ્યુબ ચેનલ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “આણંદમાં બાળકીના દુષ્કર્મ અને હત્યારા આરોપી સામે કાર્યવાહીનું પોલીસનું નાટક, કાનમાં કહ્યું અને લંગડાવવા લાગ્યો.”
તેમજ વધુ સર્ચ કરતા અમને એબીપી ન્યુઝનો એક અહેવાલ પ્રાપ્ત થયો હતો જેની સાથે માહિતી આપવામાં આવી હતી કે, “છોકરીના અપહરણ અને હત્યાના કેસમાં, ગુજરાત પોલીસ આરોપીને ગુનાના સ્થળે લઈ ગઈ અને તેનું નિરીક્ષણ કરાવ્યું.”
તેમજ વધુ સર્ચ કરતા યુપી પોલીસ ફેક્ટ ચેકની એક પોસ્ટ પ્રાપ્ત થઈ હતી. 8 સપ્ટેમ્બર 2025ના રોજ કરવામાં આવેલી પોસ્ટમાં આપેલી માહિતી અનુસાર, “આ ઘટના ઉત્તર પ્રદેશ સાથે સંબંધિત નથી પરંતુ ગુજરાતના આણંદ જિલ્લા સાથે સંબંધિત છે. ઉત્તર પ્રદેશની હોવાનું કહીને અફવાઓ ફેલાવશો નહીં.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો યુપી પોલીસનો નહીં પરંતુ ગુજરાતની આણંદ જીલ્લાની પોલીસનો છે. યુપી પોલીસ સાથે તેનો કોઈ સંબંધ નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:ગુજરાતની આણંદ પોલીસનો વીડિયો યુપી પોલીસના નામે વાયરલ… જાણો શું છે સત્ય…
Fact Check By: Frany KariaResult: False
