Fake Check: પોલીસ પર પથ્થરમારા અને હુમલાનો આ વીડિયો ઈન્ડોનેશિયાનો છે… જાણો શું છે સત્ય…. - Fact Crescendo Gujarati | The leading fact-checking website in India

પોલીસ પર પથ્થરમારો અને હુમલો કરતા વિરોધીઓનો આ વીડિયો નેપાળનો નહીં પણ ઇન્ડોનેશિયાનો છે. નેપાળ સાથે તેને કોઈ લેવા-દેવા નથી.

સોશિયલ મીડિયા પર પ્રતિબંધને લઈને નેપાળમાં વિરોધ પ્રદર્શનો હિંસક બન્યા છે. પ્રદર્શનકારીઓએ પીએમ, રાષ્ટ્રપતિના ખાનગી નિવાસસ્થાન અને સંસદ ભવનમાં આગ લગાવી દીધી. આ પષ્ટભૂમિ પર એક વીડિયો ઝડપથી વાયરલ થઈ રહ્યો છે. વીડિયોમાં પ્રદર્શનકારીઓ દ્વારા પોલીસ પર લાકડીઓ અને પથ્થર વડે હુમલો કરવામાં આવી રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “પોલીસ પર હુમલા અને પથ્થરમારાનો આ વીડિયો નેપાળનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 10 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોલીસ પર હુમલા અને પથ્થરમારાનો આ વીડિયો નેપાળનો છે.”

Facebook | Fb post Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને યુટ્યુબ પર આ વીડિયો પ્રાપ્ત થયો હતો. જે 31 ઓગસ્ટ 2025ના શેર કરવામાં આવ્યો હતો. જેની સાથે માહિતી આપવામાં આવી હતી કે આ વીડિયો ઈન્ડોનેશિયાનો છે. જે તમે નીચે જોઈ શકો છો.

આ ક્લુના આધારે સર્ચ કરતા અમને Associated Press ની યુટ્યુબ ચેનલ પર ઈન્ડોનેશિયાની આ ઘટનાના અન્ય વીડિયો પણ પ્રાપ્ત થયા હતા. જે તમે નીચે જોઈ શકો છો. જેની સાથે માહિતી આપવામાં આવી હતી કે, “ગુરૂવારે ઇન્ડોનેશિયન રમખાણ પોલીસે સંસદ સભ્યોના ભથ્થાથી ગુસ્સે ભરાયેલા સેંકડો વિદ્યાર્થીઓને હિંસક રીતે વિખેરી નાખ્યા.”

તેમજ સાઉથ-ચીન મોર્નિગ પોસ્ટ દ્વારા તેમની યુટ્યુબ ચેનલ પર ઈન્ડોનેશિયાના વિરોધને લઈ વિશેષ અહેવાલ પ્રસારિત કરવામાં આવ્યો હતો. જેની સાથે માહિતી આપવામાં આવી હતી કે, “25 ઓગસ્ટ, 2025ના રોજ ઇન્ડોનેશિયાના સંસદ ભવનમાં ઘૂસવાનો પ્રયાસ કરી રહેલા સેંકડો પ્રદર્શનકારીઓને પાછળ ધકેલી દેવા માટે પોલીસે ટીયર ગેસ છોડ્યા અને પાણીનો મારો ચલાવ્યો. વિરોધીઓ ધારાસભ્યોને વધુ પડતા પગાર અને ભથ્થાં આપવાનો વિરોધ કરી રહ્યા હતા. કેટલાક પ્રદર્શનકારીઓ જાપાની મંગા શ્રેણી વન પીસનો ધ્વજ લઈને ફરતા જોવા મળ્યા, જે દેશમાં સરકારી નીતિઓ સામે વિરોધનું પ્રતીક બની ગઈ છે.” જે તમે નીચે જોઈ શકો છો.

તેમજ વધુ સર્ચ કરતા અમને ‘carnegieendowment’ની વેબસાઇટ પર પ્રસારિત એક અહેવાલ પ્રાપ્ત થયો હતો. આ રિપોર્ટ 3 સપ્ટેમ્બર 2025ના રોજ પ્રકાશિત થયો હતો. રિપોર્ટ અનુસાર, “ઇન્ડોનેશિયામાં સાંસદોના પગારમાં વધારાને લઈને હજારો લોકોએ રાષ્ટ્રીય સંસદ સામે પ્રદર્શન કર્યું હતું. વાસ્તવમાં, સાંસદોના પગારમાં લગભગ દસ ટકાનો વધારો કરવામાં આવી રહ્યો હતો. લોકો આનાથી ગુસ્સે હતા અને ભ્રષ્ટાચાર વધી રહ્યો હતો. તેઓએ આનો વિરોધ કરવાનું શરૂ કર્યું અને પછી આ પ્રદર્શન હિંસક બન્યું.”