બિહારના નાયબ મુખ્યમંત્રી સમ્રાટ ચૌધરીની રેલીમાં ‘વોટ ચોર, ગાદી છોડી દો’ જેવા નારા લાગ્યા હોવાનો દાવો ખોટો છે… જાણો શું છે સત્ય….

આગામી બિહાર વિધાનસભા ચૂંટણીને લઈને સોશિયલ મીડિયામાં અનેક પોસ્ટ વાયરલ થઈ રહી છે. આ પૃષ્ટભૂમિ પર, બિહારના નાયબ મુખ્યમંત્રી સમ્રાટ ચૌધરી બસમાં બેસતા જોવા મળે છે. આ વીડિયો શેર કરીને દાવો કરવામાં આવી રહ્યો છે કે, “સમ્રાટ ચૌધરીની હાજરીમાં “વોટ ચોર, ગાદી છોડી દો” જેવા નારા લગાવવામાં આવ્યા હતા.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 25 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “સમ્રાટ ચૌધરીની હાજરીમાં “વોટ ચોર, ગાદી છોડી દો” જેવા નારા લગાવવામાં આવ્યા હતા.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણો પ્રાપ્ત થયા હતા. ઉપરોક્ત પરિણામો પરથી અમને ચંદલ નામની યુટ્યુબ ચેનલ પર આ ઓરિજનલ વીડિયો પ્રાપ્ત થયો હતો.

તેમજ વધુ સર્ચ કરતા અમને ઝહુરી મધુબની બિહાર1 નામની યુટ્યુબ ચેનલ પર આ જ એક વીડિયો મળ્યો. આ વીડિયો 26 જુલાઈ, 2025ના રોજ અપલોડ કરવામાં આવ્યો હતો. કેપ્શનમાં લખ્યું છે, “નીતીશ કુમારજીનું ઝહુરી લોકીમાં આગમન.”

આ વીડિયોમાં અમને ક્યાંય પણ “વોચ ચોરી” જેવા કોઈ નારા સાંભળવા મળ્યા નથી. તેમજ અમારી તપાસને આગળ વધારી હતી, અમે સમાચાર શોધ્યા અને 26 જુલાઈ, 2025 ના રોજ ખબર ઈસ્ટનો લેખ મળ્યો. અહેવાલ મુજબ, “મુખ્યમંત્રી નીતિશ કુમારે શનિવારે મધુબનીમાં એક રોડ શો યોજ્યો અને એક પ્રતિમાનું અનાવરણ કર્યું. તેમણે 649 કરોડ રૂપિયાના પાંચ પ્રોજેક્ટ્સનો શિલાન્યાસ પણ કર્યો. ત્યારબાદ તેઓ સીતામઢી જવા રવાના થયા. રોડ શોમાં તેમની સાથે નાયબ મુખ્યમંત્રી સમ્રાટ ચૌધરી અને સંજય ઝા પણ હતા. પરિવહન મંત્રી શીલા કુમારી અને સ્થાનિક સાંસદ પણ હાજર હતા.”

તેમજ વધુ સર્ચ કરતા અમને જાણવા મળ્યુ હતુ કે, કોંગ્રેસ નેતા રાહુલ ગાંધીએ ઓગસ્ટમાં ભારતીય જનતા પાર્ટી પર “વોટ ચોરી”નો આરોપ લગાવતો એક વીડિયો બહાર પાડ્યો હતો. જયારે બિહારના ઉપ મુખ્યમંત્રીનો વાયરલ વીડિયો જુલાઈનો છે. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલા વીડિયોને ડિજિટલી એડિટ કરવામાં આવ્યો છે. ઓરિજનલ વીડિયોમાં ‘વોટ ચોર ગદ્દી છોડ’ ના નારા લાગ્યા ન હતા. આ વીડિયોને ભ્રામક દાવા સાથે શેર કરવામાં આવી રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)