કાર્તિક અગિયારસથી શરૂ થતી ગિરનારની પરિક્રમામાં દર વર્ષે મોટી સંખ્યામાં શ્રદ્ધાંળુઓ આવતા હોય છે. આ વચ્ચે એક વીડિયો સોશિયલ મીડિયામાં વાયરલ થઈ રહ્યો છે. જે વીડિયોમાં મોટી સંખ્યામાં લોકો ટ્રેનની ઉપર ચડીને જતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “ટ્રેન પર ચડીને જતા લોકોની આ ભીડનો વીડિયો હાલની ગિરનારની લીલી પરિક્રમા દરમિયાનનો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 11 નવેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ટ્રેન પર ચડીને જતા લોકોની આ ભીડનો વીડિયો હાલની ગિરનારની લીલી પરિક્રમા દરમિયાનનો છે.”
Instagram | IN Post Archive | IN Video Archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને એક ઈનસ્ટાગ્રામ પોસ્ટ પ્રાપ્ત થઈ હતી. જેની સાથે માહિતી આપવામાં આવી હતી કે આ વીડિયો વર્ષ 2018નો છે, જે તમે નીચે જોઈ શકો છો.
જે ક્લુના આધારે સર્ચ કરતા અમને આ વીડિયો યુટ્યુબ પર 20 નવેમ્બર 2018ના અપલોડ કરવામાં આવેલો પ્રાપ્ત થયો હતો. જે તમે નીચે જોઈ શકો છો.
આ જ થી બે વર્ષ પહેલા પણ આવો જ એક જુનો વીડિયો વાયરલ થયો હતો. જેની પડતાલ પણ ફેક્ટ ક્રેસન્ડોની ગુજરાતી ટીમ દ્વારા કરવામાં આવી હતી. જે તમે આ લિંક પર ક્લિક કરીને વાંચી શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલનો નહીં પરંતુ વર્ષ 2018નો છે. હાલમાં આ પ્રકારે કોઈ ટ્રેન પર ચડીને મુસાફરો જૂનાગઢ પરિક્રમા માટે પહોચ્યા નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:ગિરનારની લીલી પરિક્રમા કરવા જતા લોકોનો પાંચ વર્ષ જૂનો વીડિયો ખોટા દાવા સાથે વાયરલ…. જાણો શું છે સત્ય….
Fact Check By: Frany KariaResult: Missing Context
