જાણો તાજેતરમાં જાપાનમાં આવેલા ભૂકંપના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર ભૂકંપનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં જાપાનમાં આવેલા ભૂકંપનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલો ભૂકંપનો આ વીડિયો તાજેતરનો નહીં પરંતુ વર્ષ 2024માં જાપાનમાં આવેલા ભૂકંપનો છે. આ વીડિયોને તાજેતરની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા માટે વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 9 ડિસેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથે શીર્ષકમાં એવું લખવામાં આવ્યું હતું કે, જાપાન ફરીથી ધ્રુજ્યું! 🌍

7.6ની તીવ્રતાનો ભયાનક ભૂકંપ અને સાથે સુનામીની ચેતવણી જાહેર 🔔🌊

લોકોને સલામત સ્થળે પહોંચવા વિનંતી કરવામાં આવી રહી છે.

દેવ પ્રકૃતિ સૌને સુરક્ષિત રાખે 🙏💔. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં જાપાનમાં આવેલા ભૂકંપનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈને ગૂગલ રિવર્સ ઈમેજથી સર્ચ કરતાં અમને પોસ્ટમાં મૂકવામાં આવેલો આ જ વીડિયો Indian Yug નામના એક યુટ્યુબ યુઝર  દ્વારા 5 જાન્યુઆરી, 2024ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, જાપાનમાં આવેલા ભૂકંપમાં ભૂકંપ પ્રતિરોધક ઈમારતો જોવા જેવી છે. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વીડિયો તાજેતરમાં જાપાનમાં આવેલા ભૂકંપનો નહીં પરંતુ વર્ષ 2024માં આવેલા ભૂકંપનો છે.

આ જ વીડિયો અને માહિતી અમને Pinterest નામની વેબસાઈટ પર પણ વર્ષ 2024માં પ્રાપ્ત થઈ હતી.

અમારી વધુ તપાસમાં અમને એક કોરિયન ભાષાની વેબસાઈટ fmkorea.com પર પણ આ જ વીડિયો અને માહિતી પ્રાપ્ત થઈ હતી. જે પણ વર્ષ 2024માં પ્રસારિત કરવામાં આવેલા એક અહેવાલમાં હતી.

વધુમાં અમને એક સત્તાવાર ટ્વિટર યુઝર દ્વારા પણ આ જ વીડિયો અને માહિતી સાથેની પોસ્ટ 16 ડિસેમ્બર, 2024ના રોજ કરવામાં આવી હતી. 

日本经过长达一个世纪的潜心研究，把防震结构做到了极致。

尽管没有强国的建筑速度，但真能救命。 pic.twitter.com/oG8bKzuC6G

— Lawrence of Gobi 愚蠢的精卫 (@Lawrenc09874431) December 15, 2024

એક સત્તાવાર ઈન્સ્ટાગ્રામ યુઝર દ્વારા પણ આ જ વીડિયો ને માહિતી સાથેની પોસ્ટ 28 જાન્યુઆરી, 2024ના રોજ કરવામાં આવી હતી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલો ભૂકંપનો આ વીડિયો તાજેતરનો નહીં પરંતુ વર્ષ 2024માં જાપાનમાં આવેલા ભૂકંપનો છે. આ વીડિયોને તાજેતરની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા માટે વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)