જાણો હૈદરાબાદમાં હાથી પર JCBથી કરવામાં આવેલા હુમલાના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર હાથી પર JCBથી કરવામાં આવેલા હુમલાનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં હૈદરાબાદના જંગલમાં હાથી પર JCBથી હુમલો કરવામાં આવ્યો તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં હાથી પર JCBથી કરવામાં આવેલા હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2018માં બનેલી ઘટનાનો છે. આ વીડિયોને હૈદરાબાદ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 12 એપ્રિલ, 2025 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં હૈદરાબાદના જંગલમાં હાથી પર JCBથી હુમલો કરવામાં આવ્યો તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને યુટ્યુબ પર એક વીડિયો મળ્યો. અહીં આપેલો વીડિયો 2 ઓગસ્ટ, 2018ના રોજ અપલોડ કરવામાં આવ્યો હતો. જેના પરથી એ સ્પષ્ટ સાબિત થાય છે કે, આ વીડિયોને હૈદરાબાદમાં વનનાબૂદી સાથે કોઈ સંબંધ નથી. વાયરલ વીડિયોનું ફૂટેજ ચેનલના વીડિયોના 06:48 ટાઇમસ્ટેમ્પ પર જોઈ શકાય છે.

પ્રકાશિત માહિતી અનુસાર, વીડિયોમાં બતાવેલ હાથી પર શ્રીલંકાના હોરોપોથાનામાં બીજા હાથીએ હુમલો કર્યો હતો. વન્યજીવન અધિકારીઓની એક ટીમે પ્રાણીના ઘાની સારવાર માટે દવા આપી, પરંતુ કમનસીબે, તે ઈજાઓને કારણે મૃત્યુ પામ્યો.
Embed –

અમારી વધુ તપાસમાં અમને ‘પ્રાઈમ વાઇલ્ડ’ ની યુટ્યુબ ચેનલ પર આજ વીડિયોનું બીજું સંસ્કરણ મળ્યું. આ વીડિયો 19 જાન્યુઆરી, 2023ના રોજ અપલોડ કરવામાં આવ્યો હતો. જેના શીર્ષકમાં લખ્યું છે કે, ‘બીમાર અને ચાલી ન શકતા જંગલી હાથીની સારવાર.’ અદ્ભુત હાથી હાથી |’

હૈદરાબાદનો આખો મામલો શું છે?

હૈદરાબાદમાં કાંચા ગાઝીબોવલી જંગલ 400 એકરમાં ફેલાયેલું છે. તેલંગાણા સરકાર આ જંગલ કાપીને આઈટી પાર્ક બનાવવા માંગે છે. મહત્વની વાત એ છે કે આ જંગલને હૈદરાબાદના ફેફસાં કહેવામાં આવે છે અને સ્થાનિક લોકો આ જંગલ કાપવાનો સતત વિરોધ કરી રહ્યા છે. હૈદરાબાદની યુનિવર્સિટીના વિદ્યાર્થીઓ પણ આનો વિરોધ કરી રહ્યા છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં હાથી પર JCBથી કરવામાં આવેલા હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2018માં બનેલી ઘટનાનો છે. આ વીડિયોને હૈદરાબાદ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)