ભૂકંપ દરમિયાનનો જૂનો વીડિયો હાલમાં આવેલા ભૂકંપના નામે વાયરલ… જાણો શું છે સત્ય….

પોસ્ટ સાથે શેર કરવામાં આવેલો વીડિયો હાલમાં આવેલા ભૂકંપ દરમિયાનનો નથી. પરંતુ વર્ષ 2024માં આવેલા ભૂકંપ દરમિયાનનો છે. હાલનો હોવાની વાત તદ્દન ખોટી છે.

જાપાનમાં 7.6ની તિવ્રતાનો ભૂકંપ આવ્યા બાદ ઘણા વીડિયો સોશિયલ મીડિયામાં વાયરલ થઈ રહ્યા છે. આ વચ્ચે કારના ડેસ્ક કેમેરાનો એક વીડિયો વાયરલ થઈ રહ્યો છે. જે વીડિયોને શેર કરીને દાવો કરવામાં આવી રહ્યો છે કે, “જાપાનમાં આવેલા શક્તિશાળી ભૂકંપ દરમિયાનનો આ વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 08 ડિસેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “જાપાનમાં આવેલા શક્તિશાળી ભૂકંપ દરમિયાનનો આ વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ તો અમે સર્ચ કરતા અમને જાણવા મળ્યુ હતુ કે, 8 ડિસેમ્બર, 2025 ના રોજ જાપાનના આઓમોરીના દરિયાકાંઠે 80 કિમી દૂર પેસિફિક મહાસાગરમાં ભૂકંપ આવ્યો હતો. અહેવાલો અનુસાર, જાપાનના સમય મુજબ રાત્રે 11:15 વાગ્યે ભૂકંપ આવ્યો હતો.

તેમજ ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને ઘણા લોકોએ 2024 માં જાપાનમાં આવેલા ભૂકંપનો ઉલ્લેખ કરીને આ જ વીડીયો પોસ્ટ કર્યો હતો. આનાથી અમને એવું માનવામાં આવ્યું કે, આ વીડીયો 2024માં જાપાનમાં આવેલા ભૂકંપ દરમિયાન રેકોર્ડ કરવામાં આવ્યો હશે. તે જ સમયે, અમને તે ક્યાં અને ક્યારે રેકોર્ડ કરવામાં આવ્યો તેની ચોક્કસ વિગતો મળી નથી.

તેમજ વધુ સર્ચ કરતા અમને યટ્યુબ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, જાપાન સાઉથ-વેસ્ટ ટોક્યોમાં 7.1નો ભૂકંપ આવ્યો હતો. તે દરમિયાનનો આ વીડિયો છે. જે તમે નીચે જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલમાં આવેલા ભૂકંપ દરમિયાનનો નથી. પરંતુ વર્ષ 2024માં આવેલા ભૂકંપ દરમિયાનનો છે. હાલનો હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)