તાજેતરમાં સોશિયલ મીડિયા પર હાથમાં બંદૂક સાથેના એક યુવાનનો ફોટો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, આ ફોટો તાજેતરમાં પહેલગામમાં થયેલા આતંકી હુમલાના આતંકવાદીનો ફોટો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં બંદૂક સાથેના એક યુવાનનો જે ફોટો મૂકવામાં આવ્યો છે એ તાજેતરમાં પહેલાગામ ખાતે થયેલા આતંકી હુમલાના આંતકવાદીનો નહીં પરંતુ વર્ષ 2021થી આ ફોટો ઈન્ટરનેટ પર ઉપલબ્ધ છે. આ ફોટોને હાલની પરિસ્થિતિ કે પહેલગામ આતંકી હુમલા સાથે કોઈ જ સંબંધ નથી. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
એક ફેસબુક યુઝર દ્વારા 23 એપ્રિલ, 2025 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથેના શીર્ષકમાં એં લખવામાં આવ્યું છે કે, Pahalgam Terror Attack: આતંકીનો પહેલો ફોટો આવ્યો સામે । Gujarat First
– પહેલગામ હુમલાના આતંકીની તસવીર આવી સામે
– હાથમાં બંદૂક લઈને દેખાયો હતો આતંકવાદી
– આતંકી હુમલામાં 26 મોત અને 17 લોકો ઘાયલ
આ લખાણમાં એવો દાવો કરવામાં આવી રહ્યો છે કે, આ ફોટો તાજેતરમાં પહેલગામમાં થયેલા આતંકી હુમલાના આતંકવાદીનો ફોટો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા ફોટોને ધ્યાનથી જોયા બાદ અમે ગુગલ રિવર્સ ઈમેજનો સહારો લઈને સર્ચ કરતાં અમને આજ ફોટો સાથેની પોસ્ટ એક ફેસબુક યુઝર દ્વારા 26 ઓક્ટોમ્બર, 2021ના રોજ કરવામાં આવી હોવાની માહિતી પ્રાપ્ત થઈ હતી. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વાયરલ ફોટો તાજેતરનો નહીં પરંતુ જૂનો છે.
અમારી વધુ તપાસમાં અમને આજ વાયરલ ફોટો જૂનો અને તાજેતરના પહેલગામ હુમલાના આતંકવાદીનો ન હોવાની માહિતી આપતી વધુ એક પોસ્ટ એક ટ્વિટર યુઝર દ્વારા પણ 23 એપ્રિલ, 2025ના રોજ કરવામાં આવી હતી.
અમારી વધુ તપાસમાં અમને એબીપી અસ્મિતા દ્વારા 22 એપ્રિલ, 2025ના રોજ પ્રસારિત કરવામાં આવેલા સમાચાર પરથી એ જાણવા મળ્યું હતું કે, પહેલગામ આતંકવાદી હુમલામાં બચેલા પ્રત્યક્ષદર્શીઓએ જણાવ્યું હતું કે, આતંકવાદીઓ પોલીસના ડ્રેસમાં આવ્યા હતા. જ્યારે વાયરલ ફોટોમાં ક્યાંય પણ પોલીસનો ડ્રેસ દેખાઈ રહ્યો નથી.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં બંદૂક સાથેના એક યુવાનનો જે ફોટો મૂકવામાં આવ્યો છે એ તાજેતરમાં પહેલાગામ ખાતે થયેલા આતંકી હુમલાના આંતકવાદીનો નહીં પરંતુ વર્ષ 2021થી આ ફોટો ઈન્ટરનેટ પર ઉપલબ્ધ છે. આ ફોટોને હાલની પરિસ્થિતિ કે પહેલગામ આતંકી હુમલા સાથે કોઈ જ સંબંધ નથી. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title: જાણો પહેલગામ હુમલાના આતંકવાદીના નામે વાયરલ થઈ રહેલા ફોટોનું શું છે સત્ય…
Fact Check By: Vikas VyasResult: False
