શું ખરેખર તાજેતરમાં ભાજપના મહિલા તાલુકા પંચાયત સભ્યનો દારુ વેચતો વીડિયો વાયરલ થયો…? જાણો શું છે સત્ય….

તાજેતરમાં સોશિયલ મીડિયા પર સમાચારપત્રના એક કટિંગમાં ભાજપના મહિલા તાલુકા પંચાયતના સભ્યનો દારુ વેચતો વીડિયો વાયરલ થયો હોવાના સમાચાર પ્રસારિત કરવામાં આવ્યા છે. જેમાં પોસ્ટમાં મૂકવામાં આવેલા ફોટો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભાજપના મહિલા તાલુકા પંચાયતના સભ્યનો દારુ વેચતો વીડિયો વાયરલ થયો છે. પરંતુ ફેક્ટ ક્રેસેન્ડોની પડતાલમાં આ દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલા સમાચાર તાજેતરના નહીં પરંતુ વર્ષ 2021માં બનેલી ઘટનાના છે. સોશિયલ મીડિયા પર અધૂરી માહિતી મૂકીને લોકોને ગેરમાર્ગે દોરવામાં આવી રહ્યા છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 1 ડિસેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટોના લખાણમાં એવો દાવો કરવામાં આવી રહ્યો છે કે, તાજેતરમાં ભાજપના મહિલા તાલુકા પંચાયતના સભ્યનો દારુ વેચતો વીડિયો વાયરલ થયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે ગુગલનો સહારો લઈને સર્ચ કરતાં અમને વીટીવી ગુજરાતી દ્વારા પોસ્ટમાં મૂકવામાં આવેલી આ જ માહિતી અને ફોટો સાથેના સમાચાર 5 જુલાઈ, 2021ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, સુરતના બાબેન ગામમાં ભાજપના મહિલા સભ્ય દ્વારા દારૂના વેચાણના વાયરલ વીડિયોને લઇ VTV એ અહેવાલ પ્રસારિત કર્યો જે બાદ જિલ્લા ભાજપ દોડતું થયું છે. જિલ્લા ભાજપની શિસ્ત સમિતિને આ મામલે તપાસના આદેશ સોંપવામાં આવ્યા છે, તેમજ તપાસ બાદ મહિલા સભ્યને શો-કોઝ નોટિસ આપવામાં આવશે મહત્વનું છે કે પાણીના પાઉંચ વેચાતા હોય તેમ ગુજરાત બાબેન ગામના ભાજપના તાલુકા પંચાયતના સભ્ય ઘરમાંજ ખુલ્લેઆમ દારૂ વેચતા હોય તેવો વીડિયો વાયરલ થયો છે.

ઉપરોક્ત આ જ માહિતી અને ફોટા સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. divyabhaskar.co.in 

અમારી વધુ તપાસમાં અમને ઝી 24 કલાક દ્વારા પણ તેની સત્તાવાર યુટ્યુબ ચેનલ પર આ જ ફોટો અને માહિતી સાથેના સમાચાર 5 જુલાઈ, 2021ના રોજ પ્રસારિત કરવામાં આવ્યા હતા. 

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલા સમાચાર તાજેતરના નહીં પરંતુ વર્ષ 2021માં બનેલી ઘટનાના છે. સોશિયલ મીડિયા પર અધૂરી માહિતી મૂકીને લોકોને ગેરમાર્ગે દોરવામાં આવી રહ્યા છે.