હાલમાં ન્યુઝ પેપરનું ક્ટિંગ વાયરલ થઈ રહ્યુ છે. જેમાં રાહુલ ગાંધીના ફોટા સાથે કથિત રૂપે માહિતી આપવામાં આવી રહી છે કે, “અમેરિકન ડીએનએ એક્સપર્ટ દ્વારા દાવો કરવામાં આવ્યો છે કે રાહુલ ગાંધી રાજીવ ગાંધીના પુત્ર નથી.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 06 નવેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “અમેરિકન ડીએનએ એક્સપર્ટ દ્વારા દાવો કરવામાં આવ્યો છે કે રાહુલ ગાંધી રાજીવ ગાંધીના પુત્ર નથી.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
જો આ પ્રકાર કોઈ રાજનેતાને લઈ ખુલાસો કોઈ ડીએનએ એકસ્પર્ટ દ્વારા કરવામાં આવ્યો હોય તો તે ખૂબ જ મોટા સમાચાર બનયા હોય, પરંતુ આ પ્રકારનો કોઈ મીડિયા રિપોર્ટ અમને પ્રાપ્ત થયો ન હતો.
તેથી અમે અમારી પડતાલને આગળ વધારી હતી. અમેરિકાના જે ડીએનએ નિષ્ણાત દ્વારા દાવો કરવામાં આવ્યો છે, તે કોની સાથે જોડાયેલા છે, રાજીવ ગાંધીના ડીએનએ સેમ્પલ તેમની પાસે ક્યાંથી આવ્યા. તેમજ તેઓ કઈ સંસ્થા સાથે જોડાયેલા છે, કઈ લેબોરેટરીમાં આ પરિક્ષણ કરવામાં આવ્યું. તેવો ક્યાંય પણ ઉલ્લેખ કરવામાં આવ્યો ન હતો.
ત્યાર અમે રાહુલ ગાંધી દ્વારા લોકસભા 2024માં વાયનાડ લોકસભા પર ચુંટણી લડી હતી, ત્યારે તેમના દ્વારા આપવામાં આવેલું ઘોષણાપત્ર અમને મળ્યું હતું, જેમાં તેમને તેમના પિતાનું નામ સ્વ. રાજીવ ગાંધી દર્શાવ્યું હતું.
તેમજ વર્ષ 2019માં પણ આ પોસ્ટ વાયરલ થઈ હતી. જે પોસ્ટ પ્રધાનમંત્રી નરેન્દ્ર મોદી અને રાહુલ ગાંધીના નામેં વાયરલ થઈ હતી. જેનું ફેક્ટ ચેક પણ ફેક્ટક્રેસન્ડો ની હિન્દી ટીમ દ્વારા કરવામાં આવ્યુ હતુ. જે તમે આ લિંક પર ક્લિક કરીને વાંચી શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે, કારણ કે, અમેરિકામાં રાહુલ ગાંધીનો ક્યાંય પણ ડીએનએ ટેસ્ટ કરવામાં આવ્યો હોય તેવું સાબિત થતું નથી. ખોટી માહિતી સાથે આ પોસ્ટ વાયરલ કરવામાં આવી રહી છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:અમેરિકન ડીએનએ એકસ્પર્ટના નામે વાયરલ થઈ રહેલા મેસેજનું જાણો શું છે સત્ય….
Written By: Frany KariaResult: False
