ઘરની બહારથી લાઈટોની ચોરી કરતી મહિલાનો આ વીડિયો જામનગરનો નથી…. જાણો શું છે સત્ય….

પોસ્ટ સાથે શેર કરવામાં આવેલો વીડિયો ગુજરાતના જામનગરનો નહીં પરંતુ ગત વર્ષ 2024નો કેનેડાનો છે. આ વીડિયોને જામનગર સાથે કોઈ લેવા-દેવા નથી.

હાલમાં એક વીડિયો સોશિયલ મીડિયામાં વાયરલ થઈ રહ્યો છે. જેમાં એક મહિલા એક ઘરની બહાર લાઈટ સહિતની વસ્તુઓ લઈ જતી મહિલાનો વીડિયો વાયરલ થઈ રહ્યો છે. જેને શેર કરીને દાવો કરવામાં આવી રહ્યો છે કે, “પોસ્ટ સાથે શેર કરવામાં આવેલો ચોરીનો આ વીડિયો ગુજરાતના જામનગર શહેરનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 08 ઓક્ટોબર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોસ્ટ સાથે શેર કરવામાં આવેલો ચોરીનો આ વીડિયો ગુજરાતના જામનગર શહેરનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે આ વીડિયોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને Infobazzarnet નામની યુટ્યુબ ચેનલ પર આ વીડિયો પ્રાપ્ત થયો હતો. જે 2 નવેમ્બર 2024ના અપલોડ કરવામાં આવ્યો હતો અને માહિતી આપવામાં આવી હતી કે, “ઓન્ટારિયોના માર્ખામમાં ચાર અલગ અલગ ઘરોમાંથી બાળકો માટે બનાવાયેલી હેલોવીન કેન્ડી ચોરી કરતી ભારતીય મૂળની કેનેડિયન મહિલા પકડાઈ ગઈ હતી અને મંડપની લાઈટો પણ ચોરી ગઈ હતી.” 

આ જ માહિતી સાથેનો અહેવાલ ન્યૂઝ 18, એબીપી, રિપ્બિલક વર્લ્ડ, હિન્દુસ્તાન ટાઈમ્સ, સહિતના મીડિયા હાઉસ દ્વારા આ માહિતી સાથેનો અહેવાલ પ્રસારિત કર્યો હતો. જે તમે નીચે વાંચી શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાતના જામનગરનો નહીં પરંતુ ગત વર્ષ 2024નો કેનેડાનો છે. આ વીડિયોને જામનગર સાથે કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)