શું ખરેખર રશિયામાં આવેલા ભૂકંપના સીસીટીવી ફૂટેજ છે…? જાણો શું છે સત્ય….

પોસ્ટ સાથે શેર કરવામાં આવેલો વીડિયો 28 માર્ચ 2025ના મ્યાનમારમાં આવેલા ભૂકંપનો વીડિયો છે. આ વીડિયોને હાલમાં રશિયામાં આવેલા ભૂકંપ સાથે કોઈ લેવા-દેવા નથી.

રશિયામાં ભૂકંપના જોરદાર આંચકાથી બધા ડરી ગયા છે. જાપાનની હવામાન એજન્સીએ જણાવ્યું હતું કે રશિયાના કામચાત્સ્કી દ્વીપકલ્પ નજીક એક જોરદાર ભૂકંપ આવ્યો હતો. શરૂઆતની તીવ્રતા 8.8 નોંધાઈ હતી. યુએસ સુનામી ચેતવણી પ્રણાલીએ રશિયા અને જાપાન બંનેના કેટલાક દરિયાકાંઠાના વિસ્તારોમાં આગામી થોડા કલાકોમાં ખતરનાક સુનામીની ચેતવણી પણ જાહેર કરી છે. આ વચ્ચે એક સીસીટીવી ફૂટેજ વાયરલ થઈ રહ્યા છે જેમાં ભૂંકપના કારણે દુકાનની અંદર રહેલો સામાન પડી જતો જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “રશિયામાં આવેલા જોરદાર ભૂકંપ દરમિયાનના આ સીસીટીવી છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 30 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “રશિયામાં આવેલા જોરદાર ભૂકંપ દરમિયાનના આ સીસીટીવી છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને ટાઈમ્સ નાઉ દ્વારા 31 માર્ચના પોસ્ટ કરવામાં આવેલો આ જ વીડિયો પ્રાપ્ત થયો હતો. 

જેની સાથે માહિતી આપવામાં આવી હતી કે, મ્યાનમારના એક ઇલેક્ટ્રોનિક્સ સ્ટોરના સીસીટીવી ફૂટેજમાં 28 માર્ચે 7.7ની તીવ્રતાનો ભૂકંપ આવ્યો તે ભયાનક ક્ષણ કેદ કરવામાં આવી છે.  

View this post on Instagram

A post shared by Times Now (@timesnow)

તેમજ વધુ સર્ચ કરતા અમને ડેઈલી મેલ ન્યુઝ દ્વારા પણ તેમની યુટ્યુબ ચેનલ પર આ ઘટનાના સીસીટીવી ફૂટેજ શેર કર્યા હતા. જે તમે નીચે જોઈ શકો છો. 

તેમજ લાઈવમીન્ટ, ધ ઈકોનોમિક્સ ટાઈમ્સ, સહિતના મીડિયા હાઉસ દ્વારા પણ આ અંગે વિસ્તૃત માહિતી આપતો અહેવાલ પ્રસારિત કરવામાં આવ્યો હતો. 

આમ ઉપરોક્ત પરિણામો પરથી સાબિત થાય છે. કે પોસ્ટ સાથે શેર કરવામાં આવેલો વીડિયો હાલમાં રશિયામાં આવેલા ભૂકંપનો નહીં પરંતુ 28 માર્ચ 2025ના મ્યાનમારમાં આવેલા ભૂકંપનો આ વીડિયો છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો 28 માર્ચ 2025ના મ્યાનમારમાં આવેલા ભૂકંપનો વીડિયો છે. આ વીડિયોને હાલમાં રશિયામાં આવેલા ભૂકંપ સાથે કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)