શું ખરેખર ગુજરાત પોલીસ દ્વારા કરવામાં આવેલી કાર્યવાહીનો વીડિયો છે…? જાણો શું છે સત્ય….

પોસ્ટ સાથે શેર કરવામાં આવેલો વીડિયો ગુજરાત પોલીસની કાર્યવાહીનો નહીં પરંતુ દિલ્હી પોલીસનો છે. આ ઘટનામાં સામેલ સબ ઈન્સપેક્ટરને તાત્કાલિક ધોરણે સસ્પેન્ડ પણ કરવામાં આવ્યા હતા.

હાલમાં એક વીડિયો સોશિયલ મીડિયા પર વાયરલ થઈ રહ્યો છે. જે વીડિયોમાં જોવામળે છે કે, એક પોલીસ અધિકારી રસ્તામાં નમાજ પઢવા બેસેલા લોકોને દૂર કરી રહ્યા છે. આ વીડિયોને શેર કરીને દાવો કરવામાં આવી રહ્યો છે કે, “ટ્રાફિક સલામતી સપ્તાહ અંતર્ગત પોલીસ દ્વારા કરવામાં આવેલી કાર્યવાહીનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 23 જાન્યુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ટ્રાફિક સલામતી સપ્તાહ અંતર્ગત પોલીસ દ્વારા કરવામાં આવેલી કાર્યવાહીનો વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને ટાઈમ્સ ઓફ ઈન્ડિયાની ઓફિશિયલ યુટ્યુબ ચેનલ પર આ વીડિયો પ્રાપ્ત થયો હતો. જેની સાથે માહિત આપવામાં આવી હતી કે, “દિલ્હી પોલીસના એક પોલીસકર્મીએ રાષ્ટ્રીય રાજધાનીના ઇન્દ્રલોક વિસ્તારમાં રસ્તા પર નમાઝ પઢતા મુસ્લિમ પુરુષોને લાત મારી હતી. આ ઘટનાના કેટલાક વીડિયો સોશિયલ મીડિયા પર વાયરલ થયા છે. દિલ્હી પોલીસના વરિષ્ઠ અધિકારીઓએ આ કેસમાં ઝડપથી કાર્યવાહી કરી હતી અને સ્થળ પર હાજર પોલીસકર્મીઓને સસ્પેન્ડ કર્યા હતા. પોલીસની કાર્યવાહીનો વિરોધ કરવા માટે કેટલાક નમાઝ પઢનારાઓ ઘટનાસ્થળે ભેગા થયા બાદ અંધાધૂંધી ફેલાઈ ગઈ હતી.” 

ડેકન હેલાર્ડ દ્વારા પણ આ જ માહિતી સાથેનો અહેવાલ તેમની યુટ્યુબ ચેનલ પર પ્રસારિત કર્યો હતો. જે તમે નીચે જોઈ શકો છો. 

આ ઘટના બાદ દિલ્હીના ઉચ્ચ અધિકારીઓ દ્વારા આ અંગે મીડિયા સમક્ષ નિવેદન આપ્યુ હતુ. જે તમે નીચે સાંભળી શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાત પોલીસની કાર્યવાહીનો નહીં પરંતુ દિલ્હી પોલીસનો છે. આ ઘટનામાં સામેલ સબ ઈન્સપેક્ટરને તાત્કાલિક ધોરણે સસ્પેન્ડ પણ કરવામાં આવ્યા હતા. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)