શું ખરેખર બિહારના યુવાન દ્વારા વિમાન બનાવવામાં આવ્યુ તેનો વીડિયો છે…? જાણો શું છે સત્ય….

વાયરલ વીડિયો બાંગ્લાદેશનો છે. બાંગ્લાદેશના એક યુવકે જાતે વિમાન બનાવ્યું. 

સોશિયલ મીડિયા પર એક વીડિયો વાયરલ થઈ રહ્યો છે. આ વાયરલ વીડિયોમાં એક યુવક વિમાન ઉડાવતો જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે “આ બિહારનો એક વિદ્યાર્થી છે જેણે વિમાન બનાવ્યું છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 28 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ બિહારનો એક વિદ્યાર્થી છે જેણે વિમાન બનાવ્યું છે.”

Facebook | Fb post Archive 

Facebook

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને આ વીડિયો બાંગ્લાદેશના ફેસબુક પેજ પર અપલોડ થયેલો આ વીડિયો મળ્યો. વીડિયો સાથે આપવામાં આવેલી માહિતી અનુસાર, ખેડૂતના પુત્ર જુલ્હાસે જાતે વિમાન બનાવવાની સિદ્ધિ હાંસલ કરી છે.

https://www.facebook.com/reel/528172170301307

આ બાબતને લગતા સમાચાર બાંગ્લાદેશી સમાચાર વેબસાઇટ ધ ડેઇલી સ્ટાર પર પણ અપલોડ કરવામાં આવ્યા હતા. જેની સાથે માહિતી આપવામાં આવી હતી કે, “યમુના નદીના કિનારે જાફરગંજ ઉપર આકાશમાં એક અદભૂત પરાક્રમ જોવા મળ્યો. શૈતાગર તેઓટા ગામના 28 વર્ષીય ઇલેક્ટ્રોનિક મિકેનિક જુલ્હાસ મોલ્લાએ પોતાના હાથે બનાવેલ અલ્ટ્રાલાઇટ વિમાન સફળતાપૂર્વક ઉડાડ્યું. આ કોઈ સામાન્ય ઉડાન નહોતી. 100 કિલોગ્રામથી વધુ વજન ધરાવતું આ વિમાન સંપૂર્ણપણે જુલ્હાસે એલ્યુમિનિયમ, સ્ટેનલેસ સ્ટીલ અને લોખંડમાંથી હાથથી બનાવ્યું હતું. ડિજિટલ સ્પીડોમીટરથી સજ્જ અને સરળ 7-હોર્સપાવર વોટર પંપ એન્જિનથી ચાલતું, વિમાન 50 ફૂટની ઊંચાઈએ પહોંચ્યું, ત્યારબાદ જુલ્હાસે તેને સુરક્ષિત રીતે જમીન પર પાછું ઉતાર્યું.”  

Archive

તેમજ વધુ સર્ચ કરતા અમને માર્ચ મહિનામાં સોમોય ન્યૂઝ નામના ફેસબુક પેજ પર અપલોડ કરાયેલો આવો જ એક વીડિયો મળ્યો. અહીં વીડિયોમાં, જુલ્હાસ બધાની સામે વિમાન ઉડાડતો અને ઈનામ મેળવતો જોઈ શકાય છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો બિહારનો નહીં, પરંતુ બાંગ્લાદેશનો છે. આ વીડિયોને ભારત સાથે કોઈ સબંધ નથી. આ વીડિયોને ભ્રામક દાવા સાથે વાયરલ કરવામાં આવી રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)