શું ખરેખર કેલિફોર્નિયામાં ભૂકંપ બાદ હાલમાં આવેલી સુનામીના દ્રશ્ય છે…? જાણો શું છે સત્ય….

અમેરિકાના નોર્થ કેલિફોર્નિયામાં ભૂકંપના આંચકા અનુભવાયા હતા. રિક્ટર સ્કેલ પર ભૂકંપની તીવ્રતા 7.0 આંકવામાં આવી હતી. યુએસ વેધર સર્વિસે ભૂકંપ બાદ તરત જ સુનામીની ચેતવણી જારી કરી હતી. આ પૃષ્ટીભૂમિ વચ્ચે સુનામીનો એક વીડિયો સોશિયલ મીડિયામાં વાયરલ થઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “પોસ્ટ સાથે શેર કરવામાં આવેલો વીડિયો હાલમાં કેલિફોર્નિયામાં આવેલા ભૂકંપ બાદના દ્રશ્યો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 06 ડિસેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પોસ્ટ સાથે શેર કરવામાં આવેલો વીડિયો હાલમાં કેલિફોર્નિયામાં આવેલા ભૂકંપ બાદના દ્રશ્યો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને આ વીડિયો ફેસબુક પર 31 ડિસેમ્બર 2023ના ફેસબુક પર પ્રાપ્ત થયો હતો. જે તમે નીચે જોઈ શકો છો.

ત્યારબાદ અમે ગૂગલ પર કીવર્ડ સાથે સર્ચ કરતા અમને NBC ન્યુઝની ઓફિશિયલ યુટ્યુબ ચેનલ પર વીડિયો પ્રાપ્ત થયો હતો. જે 30 ડિસેમ્બર 2023ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “વેસ્ટ કોસ્ટ રાક્ષસી મોજાઓથી ત્રાટક્યું હતું, જેના કારણે વ્યાપક પૂર, સ્થળાંતર અને ભયજનક સમુદ્ર બચાવો થયા હતા. તરંગો એ તોફાન પ્રણાલીનો ભાગ છે જે સધર્ન કેલિફોર્નિયાથી વોશિંગ્ટન સુધી સર્ફને ઉત્તેજિત કરે છે.” 

Yahoo.com દ્વારા આ અંગે વિસ્તૃત માહિતી આપતો અહેવાલ પ્રાપ્ત થયો હતો. જે તમે આ લિંક પર ક્લિક કરી જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલમાં કેલિફોર્નિયામાં આવેલા ભૂકંપ બાદની સુનામીનો વીડિયો નથી, આ વીડિયો ડિસેમ્બર 2023નો છે. હાલની પરિસ્થિતી સાથે તેને કોઈ લેવાદેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)