શું ખરેખર ફટાકડાની દુકાનમાં આગ લાગવાની ઘટનાનો વીડિયો અમદાવાદનો છે…? જાણો શું છે સત્ય….

ફટાકડાની દુકાનમાં આગ લાગવાનો વાયરલ વીડિયો હૈદરાબાદનો છે. વર્ષ 2024ના હૈદરાબાદના આ વીડિયોને ખોટા દાવા સાથે શેર કરી રહ્યા છે. આ વીડિયોનો અમદાવાદ સાથે કોઈ સંબંધ નથી.

સોશિયલ મીડિયા પર એક વીડિયો વાયરલ થઈ રહ્યો છે જેમાં લોકો ફટાકડાની દુકાનમાંથી વસ્તુઓ કાઢી રહ્યા છે. ફટાકડા સળગતા પણ જોઈ શકાય છે. આ વીડિયો શેર કરીને દાવો કરી રહ્યા છે કે, “અમદાવાદમાં એક ફટાકડાની દુકાનમાં આગ લાગી આ તે ઘટનાનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 21 ઓક્ટોબર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “અમદાવાદમાં એક ફટાકડાની દુકાનમાં આગ લાગી આ તે ઘટનાનો વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ અમે વીડિયોનો એક સ્ક્રીનશોટ લઈને ગુગલ રિવર્સ ઈમેજના માધ્યમથી સર્ચ કરતાં અમને આજ વીડિયો સાથેના સમાચાર BBC News Hindi દ્વારા 29 ઓક્ટોમ્બર, 2021 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, હૈદરાબાદના રામકોટ વિસ્તારમાં પારસ ફાયર વર્કસ નામની એક ફટાકડાની દુકાનમાં આચાનક આગ લાગતાં લોકોમાં નાસભાગ મચી હતી તેનો આ વીડિયો છે.

Archive

ઉપરોક્ત આજ માહિતી સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. Aaj Tak | ABP NEWS

અમારી વધુ તપાસમાં અમને ANI દ્વારા 27 ઓક્ટોમ્બર, 2024 ના રોજ કરવામાં આવેલી એક ટ્વિટ પ્રાપ્ત થઈ હતી. જેમાં સુલતાન બજારના મદદનીશ પોલીસ કમિશનર કે. શંકરે જણાવ્યું હતું કે, “દુકાન પાસે કોઈ પ્રમાણપત્ર નહોતું. આ એક ગેરકાયદેસર દુકાન હતી. અમે તેમની સામે કડક કાર્યવાહી કરીશું. રાત્રે 10:30 વાગ્યાની આસપાસ આગ પર કાબુ મેળવી લેવામાં આવ્યો હતો. આ ઘટનામાં 7-8 કાર પણ બળી ગઈ હતી. જ્યારે એક મહિલાને સામાન્ય ઈજા થઈ છે.”

#WATCH | Hyderabad: ACP Sultan Bazar K Shankar says, "The fire was doused at around 10.30-10.45 pm. It is a restaurant that is completely burnt. 7-8 cars have burnt. A lady received minor injuries… The name of the cracker shop is Paras Fireworks… The shop has no certificate.… https://t.co/Ci8LRWXhdw pic.twitter.com/jEHQoiiGsF

— ANI (@ANI) October 27, 2024

Archive

ઉપરોક્ત તમામ સંશોધન પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલા વીડિયોમાં જે ઘટના બની છે એ અમદાવાદ નહીં પરંતુ હૈદરાબાદમાં બનેલી ઘટના છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે કારણ કે, પોસ્ટમાં ફટાકડાની દુકાનમાં લાગેલી આગનો જે વીડિયો મૂકવામાં આવ્યો છે એ અમદાવાદનો નહીં પરંતુ હૈદરાબાદ રામકોટ વિસ્તારમાં બનેલી ઘટનાનો છે. આ વીડિયોને અમદાવાદમાં સાથે કોઈ જ સંબંધ નથી. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)