જાણો 27 ડિસેમ્બરે ગ્રામ પંચાયતોની ચૂંટણી યોજાવાની હોવાના GSTV નાવાયરલ વીડિયોનું શું છે સત્ય…

તાજેતરમાં સોશિયલ મીડિયા પર GSTV ના સમાચારનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, ગુજરાતમાં આગામી ગ્રામ પંચાયતની ચૂંટણી 27 ડિસેમ્બરના રોજ યોજાશે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં GSTV ના 27 ડિસેમ્બરે ગ્રામ પંચાયતની ચૂંટણી યોજાવાની હોવાના સમાચારનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2016 નો છે. આ વીડિયોને હાલની પરિસ્થિતિ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 29 નવેમ્બર, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, ગ્રામ પંચાયત ચૂંટણી જાહેરનામું 27 ડિસેમ્બર ના રોજ યોજાશે ચૂંટણી. આ વીડિયો સાથે એવો દાવો કરવામાં આવી રહ્યો છે કે, ગુજરાતમાં આગામી ગ્રામ પંચાયતની ચૂંટણી 27 ડિસેમ્બરના રોજ યોજાશે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ ગુગલ રિવર્સ ઈમેજનો સહારો લઈ સર્ચ કરતાં અમને GSTV સમાચાર ચેનલના યુટ્યુબ પર આજ વીડિયો સાથેના સમાચાર 28 નવેમ્બર, 2016 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, ગુજરાતમાં 10318 ગ્રામ પંચાયતોની 27 ડિસેમ્બરના રોજ ચૂંટણી યોજાશે અને તેનું પરિણામ 29 ડિસેમ્બરના રોજ આવશે. 

અમારી વધુ તપાસમાં અમને આજ માહિતી સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. divyabhaskar.co.in | gujarati.abplive.com

ત્યારબાદ અમે ગુજરાત રાજ્ય ચૂંટણી આયોગની વેબસાઈટની મુલાકાત લીધી હતી. પરંતુ અમને ત્યાં આગામી ગ્રામ પંચાયતની ચૂંટણી અંગેની કોઈ માહિતી પ્રાપ્ત થઈ ન હતી.

તેમજ વર્ષ 2016માં ગ્રામ પંચાયતની ચૂંટણી અંગે જે નોટીફિકેશન બહાર પાડવામાં આવ્યુ હતું તેમાં વાયરલ મેસેજ પ્રમાણેની જ તારીખો છે. જે નોટિફિકેશન તમે આ લિંક પર ક્લિક કરી જોઈ શકો છો.

નીચે તમે GSTV પર વર્ષ 2016 ની ચૂંટણી પંચની પ્રેસ કોન્ફરન્સને પણ જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં GSTV ના 27 ડિસેમ્બરે ગ્રામ પંચાયતની ચૂંટણી યોજાવાની હોવાના સમાચારનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2016 નો છે. આ વીડિયોને હાલની પરિસ્થિતિ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)