અમારી પડતાલમાં ઉપરોક્ત પોસ્ટ ખોટી સાબિત થાય છે. વાયરલ વીડિયોમાં જોવા મળતો હાથી નથી પરંતુ હાથણી જે આફ્રિકાના જંગલમાં રહે છે અને જન્મથી જ તેની સૂંઢમાં કાણુ છે.
હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે વીડિયોમાં જોવામળે છે કે, એક હાથીની સૂંઢમાં કાણુ પડેલુ જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “તેલંગણામાં જંગલની કપાઈ રોકવા માટે હાથી દ્વારા લડાઈ કરવામાં આવી તેમાં જેસીબીની ઠોકરે તેની સૂંઢમાં કાણુ પડી ગયુ.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 08 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “તેલંગણામાં જંગલની કપાઈ રોકવા માટે હાથી દ્વારા લડાઈ કરવામાં આવી તેમાં જેસીબીની ઠોકરે તેની સૂંઢમાં કાણુ પડી ગયુ.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને એપ્રિલ 2021માં સિંગિતા નામની વેબસાઇટ પર પ્રકાશિત થયેલા વાયરલ વીડિયો સંબંધિત એક રિપોર્ટ મળ્યો. રિપોર્ટ અનુસાર, હાથીનું નામ રાંડજેકાઇલે છે અને તે આફ્રિકાના ગ્રેટર ક્રુગર નેશનલ પાર્કમાં રહે છે. રાન્ડજેકિલેના જન્મથી જ તેની સૂંઢમાં કાણુ હતું.
તેમજ આ ક્લુના આધારે અમે વધુ તપાસ કરતા અમને રાંડજેકાઇલેના ઘણા બીજા વીડિયો પણ મળ્યા. જે તમે નીચે જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલનો તેલંગણાનો નહીં પરંતુ આફ્રિકાના ગ્રેટર ક્રુગર નેશનલ પાર્કમાં રહેતી હાથણીનો છે. આ વીડિયોને ભ્રામક દાવા સાથે શેર કરવામાં આવી રહ્યો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:શું ખરેખર જેસીબીથી લડતા હાથીની સૂંઢમાં કાણુ પડી ગયુ…? જાણો શું છે સત્ય….
Fact Check By: Frany KariaResult: False
