શું ખરેખર સાંસદ સીઆર પાટીલ હાલમાં સીડી પરથી પડી ગયા…? જાણો શું છે સત્ય….

પોસ્ટ સાથે શેર કરવામાં આવેલો વીડિયો જૂલાઈ 2022નો છે. હાલમાં સીઆર પાટીલ સીડી પરથી પડી ગયા હોવાની વાત તદ્દન ખોટી છે. આ વીડિયોને ભ્રામક દાવા સાથે શેર કરવામાં આવ્યો છે.

31 ઓક્ટોબર 2025ના ગુજરાતના મુખ્યમંત્રી સરદાર પટેલનું સન્માન કરી અને નીચે ઉતરી રહ્યા હતા ત્યારે સીડી પર પડી ગયા હતા. જે વીડિયો સોશિયલ મીડિયામાં વાયરલ થયો હતો. ત્યારે હાલમાં બીજો એક વીડિયો વાયરલ થઈ રહ્યો છે જેમાં સાંસદ સી આર પાટીલ સીડી પરથી પડતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “હાલમાં મુખ્યમંત્રીના સીડી પરથી પડ્યા બાદ સીઆર પાટીલ પણ સીડી પરથી પડી ગયા હતા.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 03 નવેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં મુખ્યમંત્રીના સીડી પરથી પડ્યા બાદ સીઆર પાટીલ પણ સીડી પરથી પડી ગયા હતા.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને 13 જૂલાઈ 2022ના ટ્વિટર પર આ વીડિયો પ્રાપ્ત થયો હતો. જેમાં આ વીડિયો શેર કરવામાં આવ્યો હતો. જે તમે નીચે જોઈ શકો છો. 

વિકાસ લપસી ગયો છે…હવે તો સુઘરો @AAPGujarat @BBCWorld @SandipP42117405 @GauriDesaiAAP @AtishiAAP @AAP4Jharkhand pic.twitter.com/LXKKnsHIw2

— Kiran Desai vejalpur (@KiranVejalpur) July 13, 2022

Archive 

ઉપરોક્ત ક્લુના આધારે અમે સર્ચ કરતા અમને રાજકોટ મિરર ન્યુઝ ના ફેસબુક પેજ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “મંદિરે દર્શન કરીને પરત ફરી રહેલા સી.આર.પાટીલ સીડીઓમાં લપસ્યા…” 

ગુડ ડે ગુજરાત ન્યુઝ નામના ફેસબુક યુઝર્સ દ્વારા પણ આ વીડિયો શેર કરવામાં આવ્યો હતો. જે તમે નીચે જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો જૂલાઈ 2022નો છે. હાલમાં સીઆર પાટીલ સીડી પરથી પડી ગયા હોવાની વાત તદ્દન ખોટી છે. આ વીડિયોને ભ્રામક દાવા સાથે શેર કરવામાં આવ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)