જાણો કલાકાર મેક મોહનને શ્રદ્ધાંજલિ આપવાની માહિતી સાથેના વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર બોલીવુડ ફિલ્મોના કલાકાર મેક મોહનનો એક ફોટો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, અભિનેતા મેક મોહનની આત્માની શાંતિ માટે શ્રદ્ધાંજલિ. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં બોલીવુડ ફિલ્મોના કલાકાર મેક મોહનને શ્રદ્ધાંજલિ આપતો જે ફોટો મૂકવામાં આવ્યો છે એમાં તેમનું અવસાન તાજેતરમાં નહીં પરંતુ વર્ષ 2010માં થયું હતું. આ ફોટોને હાલની પરિસ્થિતિ સાથે કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 8 જુલાઈ, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથે શીર્ષકમાં એવું લખવામાં આવ્યું છે કે, શ્રધાંજલિ જરૂરથી આપશો. 🙏🌼. આ ફોટો સાથેના લખાણમાં એવો દાવો કરવામાં આવી રહ્યો છે કે, અભિનેતા મેક મોહનની આત્માની શાંતિ માટે શ્રદ્ધાંજલિ.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલી માહિતીને ગૂગલનો સહારો લઈને સર્ચ કરતાં અમને અભિનેતા મેક મોહનની સંપૂર્ણ માહિતી વિકીપીડિયા પર પ્રાપ્ત થઈ હતી. જેમાં એવી માહિતી આપવામાં આવી હતી કે, મેક મોહનનો જન્મ 2 એપ્રિલ, 1938માં થયો હતો અને તેમનું મૃત્યુ 10 મે, 2010ના રોજ થયું હતું. જેના પરથી એ સ્પષ્ટ સાબિત થાય છે કે, મેક મોહનનું અવસાન 15 વર્ષ પહેલાં થયું હતું.

ઉપરોક્ત આજ માહિતી સાથેના સમાચાર અમને વર્ષ 2010માં કેટલાક મીડિયા હાઉસ દ્વારા પ્રસારિત કરવામાં આવ્યા હોવાનું જાણવા મળ્યું હતું. જે તમે અહીં જોઈ શકો છો. The Hindu | Times of India 

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં બોલીવુડ ફિલ્મોના કલાકાર મેક મોહનને શ્રદ્ધાંજલિ આપતો જે ફોટો મૂકવામાં આવ્યો છે એમાં તેમનું અવસાન તાજેતરમાં નહીં પરંતુ વર્ષ 2010માં થયું હતું. આ ફોટોને હાલની પરિસ્થિતિ સાથે કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)