Fact Check: અર્ધ નગ્ન અવસ્થામાં ડાન્સ કરતો આ વ્યક્તિ ધારાસભ્ય અનિલ ઉપાધ્યાય નથી… જાણો શું છે સત્ય…

અનિલ ઉપાધ્યાય નામનો વ્યક્તિ ભાજપ કે અન્ય કોઈ પક્ષનો ધારાસભ્ય નથી. સમય સમય પર, ધારાસભ્ય અનિલ ઉપાધ્યાયના નામનો ઉપયોગ કરીને ખોટા દાવાઓ સાથે ઘણા વીડિયો શેર કરવામાં આવે છે.

એક મહિલા સાથે અર્ધ નગ્ન હાલતમાં ડાન્સ કરતા એક પુરૂષનો વીડિયો હાલમાં સોશિયલ મીડિયા પર વાયરલ થઈ રહ્યો છે. જેને શેર કરીને એવો દાવો કરવામાં આવી રહ્યો છે કે, “આ વ્યક્તિ ભાજપના ધારાસભ્ય અનિલ ઉપાધ્યાય છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 19 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વ્યક્તિ ભાજપના ધારાસભ્ય અનિલ ઉપાધ્યાય છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

શોધ કર્યા પછી, જાણવા મળ્યું કે અનિલ ઉપાધ્યાય એક કાલ્પનિક વ્યક્તિ છે અને ભાજપ કે કોંગ્રેસ પાર્ટીમાં આ નામનો કોઈ ધારાસભ્ય નથી.

રાજકારણીઓનો ડેટાબેઝ જાળવતી Myneta વેબસાઇટ પર શોધ કરતાં, અનિલ ઉપાધ્યાય નામના વ્યક્તિના ભાજપના ધારાસભ્ય હોવાની કોઈ માહિતી મળી નથી.

અમને એક જ નામના બે લોકોની પ્રોફાઇલ મળી. પહેલી પ્રોફાઇલ જોધપુરના બહુજન સમાજ પાર્ટી (BSP) નેતા ડો. અનિલ ઉપાધ્યાયની છે. તેમણે 2018 માં રાજસ્થાનથી ચૂંટણી લડી હતી અને હારી ગયા હતા.

બીજી પ્રોફાઇલ લખનઉના અપક્ષ ઉમેદવાર અનિલ કુમાર ઉપાધ્યાયની છે. તેમણે 2007 અને 2012 માં ઉત્તર પ્રદેશ વિધાનસભાની ચૂંટણી લડી હતી.

જૂનો વીડિયો

આ જ વીડિયો 2019માં ભાજપના રાજ્યસભા સાંસદ સુધાંશુ ત્રિવેદીના નામે વાયરલ થયો હતો. તે સમયે ફેક્ટ ક્રેસેન્ડો તમિલે આ વીડિયોની હકીકત તપાસી હતી.

અગાઉ પણ, અનિલ ઉપાધ્યાયને વિવિધ પક્ષોના નેતા તરીકે ભ્રામક અને ખોટા દાવાઓ ફેલાવવામાં આવ્યા હતા. ફેક્ટ ક્રેસેન્ડોએ તે દાવાઓની સત્યતા બહાર લાવી છે. તમે ફેક્ટ-ચેક અહીં (ગુજરાતી) અને અહીં (હિન્દી) વાંચી શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, અનિલ ઉપાધ્યાય નામનો વ્યક્તિ ભાજપ કે અન્ય કોઈ પક્ષનો ધારાસભ્ય નથી. સમય સમય પર, ધારાસભ્ય અનિલ ઉપાધ્યાયના નામનો ઉપયોગ કરીને ખોટા દાવાઓ સાથે ઘણા વીડિયો શેર કરવામાં આવે છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)