ઓપરેશન સિંદૂર દરમિયાન ભારતીય સેના દ્વારા પકડાયેલા પાકિસ્તાની પાઇલટની આ પહેલી તસવીર નથી… જાણો શું છે સત્ય….

પહેલગામ આતંકવાદી હુમલા સામે ઓપરેશન સિંદૂર હેઠળ ભારતની લશ્કરી કાર્યવાહીથી પાકિસ્તાને જમ્મુ, પઠાણકોટ, ઉધમપુર અને જેસલમેરમાં ડ્રોન, મિસાઇલો અને ફાઇટર જેટથી હુમલો કર્યો, જેને ભારતીય હવાઈ સંરક્ષણ પ્રણાલી S-400 અને આકાશ દ્વારા નિષ્ફળ બનાવવામાં આવ્યા હતા. આ દરમિયાન, સોશિયલ મીડિયા પર એક તસવીર શેર કરવામાં આવી રહી છે, જેમાં કેટલાક લશ્કરી કર્મચારીઓ રાત્રે ઉભા રહેલા જોઈ શકાય છે. આ તસવીર સાથે એવો દાવો કરવામાં આવી રહ્યો છે કે ભારત-પાકિસ્તાન તણાવ વચ્ચે ભારતીય સેના દ્વારા પકડાયેલા પાકિસ્તાની પાઇલટની આ પહેલી તસવીર છે. 

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 09 મે 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ભારત-પાકિસ્તાન તણાવ વચ્ચે ભારતીય સેના દ્વારા પકડાયેલા પાકિસ્તાની પાઇલટની આ પહેલી તસવીર છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

તપાસની શરૂઆતમાં, અમે વાયરલ પોસ્ટમાંના ફોટોને રિવર્સ ઇમેજ સર્ચ કરી. પરિણામે, અમને ગેટ્ટી ઈમેજીસ પર વાયરલ તસવીર મળી. અહીં જણાવવામાં આવ્યું છે કે વાયરલ તસવીર 2016ની છે. પ્રકાશિત માહિતી અનુસાર, તુર્કીના લશ્કરી કર્મચારીઓ 12 ડિસેમ્બર 2016ના રોજ દિયારબાકીરમાં ક્રેશ થયેલા તુર્કી F16 યુદ્ધ વિમાનની નજીક પહોંચે છે. દક્ષિણપૂર્વીય શહેર દિયારબાકીરમાં એરપોર્ટ નજીક એક તુર્કી ફાઇટર જેટ ક્રેશ થયું હતું, પરંતુ પાઇલટ વિમાનમાંથી સુરક્ષિત રીતે બહાર નીકળવામાં સફળ રહ્યો, એમ સૈન્યએ જણાવ્યું હતું.

અમારી તપાસમાં જાણવા મળ્યું છે કે ફોટો જૂનો છે અને તેને ક્રોપ કરી નાખવામાં આવ્યો છે. મૂળ ફોટો ઓછામાં ઓછા ડિસેમ્બર 2016થી ઓનલાઈન ઉપલબ્ધ છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ભારત-પાકિસ્તાન તણાવ વચ્ચે ભારતીય સેના દ્વારા પકડાયેલા પાકિસ્તાની પાઇલટનો આ પહેલો ફોટો નથી. મૂળ ફોટો ઓછામાં ઓછા ડિસેમ્બર 2016 થી ઓનલાઈન ઉપલબ્ધ છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)