જાણો તાજેતરમાં ભારતે પાકિસ્તાનના સિયાલકોટ પર કરેલા હુમલાના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર ભારતે પાકિસ્તાન પર કરેલા હુમલાના નામે એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાનના સિયાલકોટ પર કરેલા હુમલાનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભારતે પાકિસ્તાનના સિયાલકોટ પર કરેલા હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ એક મહિના પહેલાં મુંબઈના ધારાવી ખાતે સિલિન્ડરથી ભરેલા એક ટ્રકમાં બ્લાસ્ટ થયો હતો તેનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 8 મે, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે,
સિયાલકોટ બળી રહ્યું છે.. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાનના સિયાલકોટ પર કરેલા હુમલાનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને એક ટ્વિટર યુઝર દ્વારા પોસ્ટમાં મૂકવામાં આવેલા આજ વીડિયો સાથેની ટ્વિટર પોસ્ટ 25 માર્ચ, 2025ના રોજ કરવામાં આવી હોવાની માહિતી પ્રાપ્ત થઈ હતી. આ ટ્વિટમાં લખ્યું હતું કે, મુંબઈના ધારાવી વિસ્તારમાં PNGP કોલોની ખાતે ટ્રકમાં રાખવામાં આવેલા સિલિન્ડરોમાં બ્લાસ્ટ થતાં આગ લાગી હતી. જેના પરથી સ્પષ્ટ થાય છે કે, વાયરલ વીડિયો ભારત-પાકિસ્તાન યુદ્ધ પહેલાંનો છે. 

#dharavi cylinder blast ..

मुंबई के धारावी इलाके में PNGP कॉलोनी में ट्रक में रखे सिलिंडरों में विस्फोट से लगी आग।

एक के बाद एक ब्लास्ट@mybmc @MumbaiPolice @MTPHereToHelp pic.twitter.com/dHdbreYTYC

— Indrajeet chaubey (@indrajeet8080) March 24, 2025

અમારી વધુ તપાસમાં અમને ટીવી9 ભારતવર્ષ દ્વારા 24 માર્ચ, 2025ના રોજ પ્રસારિત કરવામાં આવેલા વીડિયો સમાચાર પ્રાપ્ત થયા હતા. જેમાં પણ આ વીડિયો ધારાવી ખાતે ટ્રકમાં થયેલા સિલિન્ડર બ્લાસ્ટનો હોવાની માહિતી આપવામાં આવી હતી.

આજ માહિતી અને વીડિયો સાથેના અન્ય સમાચાર પણ અમને પ્રાપ્ત થયા હતા જે તમે અહીં જોઈ શકો છો. Twitter Post | Youtube Post | Instagram Post | Facebook Post

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભારતે પાકિસ્તાનના સિયાલકોટ પર કરેલા હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ એક મહિના પહેલાં મુંબઈના ધારાવી ખાતે સિલિન્ડરથી ભરેલા એક ટ્રકમાં બ્લાસ્ટ થયો હતો તેનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)