જાણો ગુજરાતમાં દંગા નરેન્દ્ર મોદી જ કરાવતા હતા એવું નિવેદન આપી રહેલા ભાજપના નેતા પબુભા માણેકના વાયરલ વીડિયોનું શું છે સત્ય…

તાજેતરમાં સોશિયલ મીડિયા પર ભાજપના નેતા પબુભા માણેકના નિવેદનનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, ભાજપના નેતા પબુભા માણેકે એવું કહ્યું કે, ગુજરાતમાં દંગા પીએમ મોદી જ કરાવતા હતા. પરંતુ ફેક્ટ ક્રેસેન્ડોની પડતાલમાં આ દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલો ભાજપના નેતા પબુભા માણેકના નિવેદનનો આ વીડિયો તાજેતરનો નહીં પરંતુ વર્ષ 2022થી સોશિયલ મીડિયા પર ઉપલબ્ધ છે. આ વીડિયોને તાજેતરની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા માટે વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 22 નવેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, , ગુજરાતમાં દંગા પીએમ મોદી જ કરાવતા હતા.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે ગૂગલનો સહારો લઈને જુદા-જુદા કીવર્ડથી સર્ચ કરતાં અમને પોસ્ટમાં મૂકવામાં આવેલા ભાજપના નેતા પબુભા માણેકના આ જ નિવેદન સાથેના વીડિયો સમાચાર GS TV દ્વારા તેના સત્તાવાર યુટ્યુબ પર 4 ઓક્ટોબર, 2022ના રોજ પ્રસારિત કરવામાં આવ્યા હતા. જેમાં એવી માહિતી આપવામાં આવી હતી કે, દ્વારકાના પૂર્વ ધારાસભ્ય પબુભા માણેકનું વિવાદિત નિવેદન.

આ જ વીડિયો સાથેના સમાચાર GS TV દ્વારા તેના ફેસબુક પેજ પર પણ 4 ઓક્ટોબર, 2022ના રોજ પ્રસારિત કરવામાં આવ્યા હતા.

ઉપરોક્ત સંશોધન પરથી એ સ્પષ્ટ સાબિત થાય છે કે, ભાજપના નેતા પબુભા માણેક દ્વારા આ નિવેદન વર્ષ 2022માં આપવામાં આવ્યું હતું.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલો ભાજપના નેતા પબુભા માણેકના નિવેદનનો આ વીડિયો તાજેતરનો નહીં પરંતુ વર્ષ 2022થી સોશિયલ મીડિયા પર ઉપલબ્ધ છે. આ વીડિયોને તાજેતરની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા માટે વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)