જાણો 9 વર્ષની બાળકી મા બની હોવાના નામે વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર એક નાના બાળક સાથે બાળકીનો ફોટો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, 9 વર્ષની બાળકી મા બની તેનો આ ફોટો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં નાના બાળક સાથે બાળકીનો જે ફોટો મૂકવામાં આવ્યો છે એની સાથે આપવામાં આવેલી માહિતી તદ્દન ખોટી છે. જેની પોલીસ દ્વારા પુષ્ટી કરવામાં આવી છે. આ ફોટો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 23 જાન્યુઆરી, 2026ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથે શીર્ષકમાં એવું લખવામાં આવ્યું હતું કે, આ સમાચાર બહુ વાયરલ થયા.. 9 વર્ષ ની બાળકી સાથે આવું બનવું પીડાદાયક વાત છે પણ દુઃખ સાથે થોડી ચર્ચા કરીએ.. કુદરતી રીતે માત્ર 9 વર્ષ ની બાળકી ને ગર્ભ રહેવા ની શક્યતા ઓ કેટલી???. આ ફોટો સાથેના લખાણમાં એવો દાવો કરવામાં આવી રહ્યો છે કે, 9 વર્ષની બાળકી મા બની તેનો આ ફોટો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલી માહિતીને ગૂગલનો સહારો લઈ જુદા-જુદા કીવર્ડથી સર્ચ કરતાં અમને ક્યાંય પણ આ માહિતી સાચી હોવાના કોઈ અધિકૃત સમાચાર પ્રાપ્ત થયા ન હતા. 

ત્યાર બાદ અમે પોસ્ટમાં મૂકવામાં આવેલા ફોટોને ગૂગલ રિવર્સ ઈમેજથી સર્ચ કરતાં અમને પોસ્ટમાં મૂકવામાં આવેલા આ જ ફોટો અંગે સ્પષ્ટતા કરતા એક પોલીસ અધિકારીના વીડિયો સાથેની ટ્વિટ એક સત્તાવાર ટ્વિટર એકાઉન્ટ દ્વારા 20 જાન્યુઆરી, 2026ના રોજ કરવામાં આવી હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, નાયબ પોલીસ અધિક્ષક લલિત યાદવે એક સત્તાવાર વીડિયો સ્ટેટમેન્ટમાં જણાવ્યું હતું કે, વાયરલ વીડિયોનો કૈથલ જિલ્લા સાથે કોઈ સંબંધ નથી. તેમણે ઉમેર્યું હતું કે, કૈથલ પોલીસ ઓનલાઈન પ્રસારિત થઈ રહેલા દાવાઓની પુષ્ટી કે સમર્થન કરતી નથી. આ પ્રકારે ખોટી અફવા ફેલાવનારા તત્વો સામે કાયદેસરની કાર્યવાહી કરવામાં આવશે.

#FactCheck: The viral claim that a nine-year-old girl from #Kaithal gave birth is false.

The video has been taken out of context and misleadingly presented on social media, prompting unnecessary panic and misinformation.

Taking cognisance of the viral content, #KaithalPolice… pic.twitter.com/faFR7utgvo

— Hate Detector 🔍 (@HateDetectors) January 20, 2026

ઉપરોક્ત આ જ ફોટો અને માહિતી સાથેના અન્ય સમાચર પણ અમને પ્રાપ્ત થયા હતા. જે તમે અહીં જોઈ શકો છો. thelogicalindian.com | latestly.com

અમારી વધુ તપાસમાં અમને પંજાબ કેસરી હરિયાણા દ્વારા પણ આ જ ફોટો, વીડિયો અને માહિતી સાથેના સમાચાર 21 જાન્યુઆરી, 2026ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં પણ પોસ્ટમાં કરવામાં આવેલા દાવાનું ખંડન કરવામાં આવ્યું છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં નાના બાળક સાથે બાળકીનો જે ફોટો મૂકવામાં આવ્યો છે એની સાથે આપવામાં આવેલી માહિતી તદ્દન ખોટી છે. જેની પોલીસ દ્વારા પુષ્ટી કરવામાં આવી છે. આ ફોટો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

 (જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)