ભારતીય ક્રિકેટર રવિન્દ્ર જાડેજા ઘણીવાર મેદાન પર પોતાના બેટને તલવારની જેમ લહેરાવીને ઉજવણી કરતો જોવા મળે છે. આ સંદર્ભમાં, સોશિયલ મીડિયા પર એક વ્યક્તિનો ફટાકડાના કરતબ કરતો વીડિયો ઝડપથી વાયરલ થઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “ફટાકડા વડે સ્ટંટ કરતો યુવાનએ ભારતીય ક્રિકેટર રવિન્દ્ર જાડેજા છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 28 ઓક્ટોબર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ મહિલાઓ મફત રાશન લેવા માટે લાઈનમાં બેઠી હતી.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને આ વાયરલ વીડિયો ‘rahul_chosla_0561’ નામના ઇન્સ્ટાગ્રામ એકાઉન્ટ પર મળ્યો. આ વીડિયો 21 ઓક્ટોબર 2025ના અપલોડ કરવામાં આવ્યો હતો. ઉપલબ્ધ માહિતી અનુસાર, “આ વ્યક્તિ આવા જ શો કરે છે. અન આ પ્રકારના શો ના બુકિંગ માટે તેમનો નંબર પણ આપવામાં આવ્યો હતો.”
તેમજ વધુ માહિતી માટે અમે તેની પ્રોફાઈલ ચેક કરી હતી. જેની સાથે માહિતી આપવામાં આવી હતી કે, “આ વ્યક્તિનું નામ રાહુલ ભરવાડ છે. તે એક કન્ટેન્ટ ક્રિએટર છે જે આ પ્રકારના સ્ટંટના વીડિયો બનાવે છે અને પોસ્ટ કરે છે અને આ પ્રકારના શો પણ કરે છે.”
તેમજ રાહુલ ભરવાડની યુટ્યુબ ચેનલ પણ છે. જેમાં પણ વાયરલ વીડિયોના સ્થળ પરનો અન્ય એક વીડિયો પણ ઉપલબ્ધ છે. જે તમે નીચે જોઈ શકો છો.
તેમજ અમારી પડતાલને વધુ મજબુત બનાવવા અમે રાહુલ ચોસલાનો સંપર્ક કર્યો હતો. તેણે અમને જણાવ્યુ હતુ કે, “આ વીડિયો મારો જ છે. રવિન્દ્ર જાડેજાનો નથી, રવિન્દ્ર જાડેજાના નામે ખોટી માહિતી સાથે વાયરલ કરવામાં આવી રહ્યો છે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ક્રિકેટર રવિન્દ્ર જાડેજાનો નથી. પરંતુ કેન્ટેન ક્રિએટર રાહુલ ચોસલા નામના વ્યક્તિનો છે. આ વીડિયોને ખોટી માહિતી સાથે વાયરલ કરવામાં આવી રહ્યો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:શું ખરેખર ક્રિકેટર રવિન્દ્ર જાડેજા દ્વારા રસ્તા પર ફટાકડા વડે સ્ટંટ કરવામાં આવ્યા…? જાણો શું છે સત્ય….
Fact Check By: Frany KariaResult: False
