Fact Check: તુટેલા બ્રિજ પરથી શાળાએ જતી વિદ્યાર્થીનીનો આ વીડિયો ગુજરાતનો નથી… જાણો શું છે સત્ય…

પોસ્ટ સાથે શેર કરવામાં આવેલો તુટેલા બ્રિજનો આ વીડિયો ગુજરાતનો નહીં પરંતુ ઝારખંડના ખુંટીનો છે. જ્યા વિદ્યાર્થીઓ જીવના જોખમે આ પ્રકારે શાળાએ જવા મજબૂર બન્યા હતા.

ગંભીરા બ્રિજ તુટવાની ઘટના બાદ ઘણા વીડિયો સોશિયલ મીડિયામાં વાયરલ થઈ રહ્યા છે. જેમાં એક વીડિયો વાયરલ થઈ રહ્યો છે જેમાં તુટેલા બ્રિજ પર થઈ અને ઘણા વિદ્યાર્થીઓ શાળાએ જતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “જીવના જોખમે તુટેલા બ્રિજ પરથી શાળાએ જતા વિદ્યાર્થીનો આ વીડિયો ગુજરાતનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 11 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “જીવના જોખમે તુટેલા બ્રિજ પરથી શાળાએ જતા વિદ્યાર્થીનો આ વીડિયો ગુજરાતનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને આ વીડિયો ઝી સ્વીચની ઓફિશિયલ યુટ્યુબ ચેનલ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, આ વીડિયો ઝારખંડનો છે. જે તમે નીચે જોઈ શકો છો.

તેમજ વધુ સર્ચ કરતા અમને ન્યુઝ 18 બિહાર ઝારખંડની ઓફિશિયલ યુટ્યુબ ચેનલ પર આ જ પુલ પરથી પ્રસારિત કરવામાં આવેલો વિશેષ અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “ખૂંટીમાં ટોરપા-સિમડેગા રોડ પરનો પુલ તૂટી પડ્યો છે. તૂટેલા પુલનો એક ભાગ બીજી તરફ ઝૂકી રહ્યો છે. જેના કારણે અકસ્માતની શક્યતા વધી ગઈ છે. જ્યારે પુલ તૂટી પડવાને કારણે, નજીકમાં રહેતા બાળકો તેમની શાળાઓમાં જઈ શકતા નથી.”

તેમજ વધુ સર્ચ કરતા અમને આ તુટેલા બ્રિજ અંગે માહિતી આપતો અહેવાલ તેલંગણા ટુડે દ્વારા પ્રસારિત કરવામાં આવ્યો હોવાનું જાણવા મળ્યુ હતુ અને તેની સાથે પણ આ ઝારખંડના ખૂંટી જિલ્લાનો હોવાની માહિતી આપવામાં આવી હતી. જે તમે નીચે જોઈ શકો છો. 

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો તુટેલા બ્રિજનો આ વીડિયો ગુજરાતનો નહીં પરંતુ ઝારખંડના ખુંટીનો છે. જ્યા વિદ્યાર્થીઓ જીવના જોખમે આ પ્રકારે શાળાએ જવા મજબૂર બન્યા હતા.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)