સાત વર્ષ જૂના દરિયાઈ મોજાના વીડિયોને હાલના દિત્વાહ વાવાઝોડાના નામે વાયરલ કરવામાં આવી રહ્યો… જાણો શું છે સત્ય….

હાલમાં દિત્વાહ વાવાઝોડાએ દક્ષિણ ભારતના તમિલનાડુમાં અને શ્રીલંકામાં ભારે તબાહી મચાવી હતી. જેને લઈ સોશિયલ મીડિયામાં ઘણા વીડિયો વાયરલ થઈ રહ્યા છે. હાલમાં એક વીડિયો વાયરલ થઈ રહ્યો છે, જેમાં એક એપાર્ટમેન્ટ સાથે દરિયાઈ મોજા અથડાતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “હાલમાં આવેલા દિત્વાહ વાવાઝોડાનો શ્રીલંકાનો આ વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 30 નવેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં આવેલા દિત્વાહ વાવાઝોડાનો શ્રીલંકાનો આ વીડિયો છે.”

Facebook | Fb post Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને 18 નવેમ્બર 2018ના કરવામાં આવેલુ ટ્વિટ પ્રાપ્ત થયુ હતુ. જેમાં આ વીડિયો જોવા મળે છે. આ વીડિયો સાથે માહિતી આપવામાં આવી હતી કે, “પ્રભાવશાળી, સ્પેનના મેસા ડેલ માર વિસ્તારમાં હિંસક મોજા ત્રાટક્યા આ સપ્તાહના અંતે, મોજાઓ ભવ્ય ઊંચાઈએ પહોંચે છે, બાલ્કનીઓને તોડી નાખે છે!” 

IMPRESIONANTE,
Temporal con oleaje violento el que azota en la zona de Mesa del Mar #Tenerife #España
Este fin de semana, las olas alcanzan alturas imponentes destrozando balcones!
Vía @tveteleplaneta pic.twitter.com/iN7BtCvqbs

— Geól. Sergio Almazán (@chematierra) November 18, 2018

Archive

ITV ન્યુઝ નામની ઓફિશિયલ યુટ્યુબ ચેનલ પર પણ આ જ સ્થળના અન્ય વીડિયો બીજા એંગલથી પ્રસારિત કરવામાં આવ્યા હતા. જે તમે નીચે જોઈ શકો છો. 

તેમજ વધુ સર્ચ કરતા અમને ગાર્ડિયન ન્યુઝની ઓફઇશિયલ વેબસાઈટ પર પણ આ અંગે પ્રસારિત અહેવાલ પ્રાપ્ત થયો હતો. જે તમે નીચે જોઈ શકો છો. 

તેમજ અન્ય Debate.com, Abc News, Yahoo News, સહિતના મીડિયા હાઉસ દ્વારા પણ આ અંગે વિસ્તૃત માહિતી આપતો અહેવાલ પ્રસારિત કરવામાં આવ્યો હતો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલમાં શ્રીલંકામાં આવેલા દિત્વાહ વાવાઝોડા દરમિયાનનો નહીં પરંતુ સાત વર્ષ જૂનો વર્ષ 2018નો સ્પેનના કેનેરી ટાપુનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)